باتىرىمىز پىكىر ءبىلدىردى
ۇلتتىق وليمپيادا كوميتەتىنىڭ دەرەگىنشە، گرەك-ريم كۇرەسىنەن قازاقستان كومانداسىنىڭ كاپيتانى المات كەبىسپايەۆ ماۋسىمدى قورىتىندىلاپ، ءوز كورسەتكىشتەرىنە كوڭىلى تولاتىنىن ايتتى، دەپ حابارلايدى Almaty-akshamy.kz
«وتكەن ماۋسىمدا قازاقستان چەمپيوناتىندا جەڭىسكە جەتتىم. ازيا بىرىنشىلىگىندە كۇمىس، الەم چەمپيوناتىندا قولا مەدال جەڭىپ الدىم. كورسەتكىش جامان ەمەس، كوڭىلىم تولادى.
ارينە، وليمپياداعا جول تۇسپەگەنى ازداپ وكىندىرەدى. ءبىراق ەڭسەمدى تۇسىرمەيمىن. سپورتتىق عۇمىرىمداعى ءاربىر ءساتىمدى باعالايمىن. ءالى ۇلتتىق قۇرامادان كەتكەنىم جوق. جاڭا جىلدان باستاپ جاڭا جوسپارلار قۇرامىز»، - دەدى كەبىسپايەۆ.