ەسىرتكىنى الماتىدان جىبەرىپ وتىرعان ايەلدىڭ ءىسى اشكەرەلەندى
شىعىس قازاقستان وبلىسىنىڭ ەسىرتكى قىلمىسىنا قارسى ءىس-قيمىل باسقارماسى ءىىم مەن پروكۋراتۋرانىڭ ۇيلەستىرۋىمەن وسكەمەن قالاسىندا سينتەتيكالىق ەسىرتكىلەردى وتكىزۋ ارناسىن جەدەل ازىرلەۋ ناتيجەسى ەسىرتكى زەرتحاناسىن جويۋمەن اياقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«رەفلەكس» ارنايى وپەراسياسىن وتكىزۋ كەزىندە پوليسيا قىزمەتكەرلەرى 120 گرامم «الفا-pvp» پسيحوبەلسەندى زاتى تاركىلەنگەن جەرگىلىكتى تۇرعىندى ۇستادى. ول ەسىرتكىنى وعان الماتى قالاسىنان ءبىر ايەل ءۇشىنشى تۇلعالار ارقىلى جولداپ وتىرعانىن كورسەتتى. كەيىننەن ول انىقتالىپ، ازىرلەۋگە الىندى.
جەلتوقسان ايىنىڭ باسىندا ول ەسىرتكى ءوندىرىسىن ۇيىمداستىرۋ ءۇشىن وسكەمەنگە كەلگەن، ول ءۇشىن جابدىقتار مەن حيميكاتتاردى الماتى قالاسىنان جەكە زاتتار رەتىندە جىبەرىپ وتىرعان. كۇدىكتى ايەل پاتەر جالداپ، سينتەتيكالىق ەسىرتكى وندىرىسىنە كىرىسكەن.
ونىڭ قىلمىستىق ارەكەتكە قاتىسۋى تۋرالى دالەلدى بازانى بەكىتكەننەن كەيىن ول ۇستالدى. جالعا الىنعان پاتەردى ءتىنتۋ بارىسىندا ءارقايسىسى 0،3 گراممنان «الفا-pvp» ءبىر رەتتىك 100 دوزاسى، سونداي-اق بۋىپ-تۇيۋگە دايىندالعان ەسىرتكى تابىلدى. بارلىعى 62 گرامم سينتەتيكا الىندى، ول اسا ءىرى مولشەردەگى ەسىرتكى بولىپ تابىلادى. سونىمەن قاتار، پاتەردە ءوندىرىستىڭ سوڭعى ساتىسىنا دايىندالعان التى ليتر ەسىرتكى ەرىتىندىسى، بەس ليتر پرەكۋرسور، سونداي-اق، كۇدىكتى ەسىرتكىنى ءوندىرۋ جانە ولشەپ-وراۋ كەزىندە پايدالانعان گازقاعارى، ەلەكتر پليتاسى، ەلەكتروندىق تارازى، 150 وراما يزولەنتا، تەرموقاپتاردى وراۋ، زيپ-پاكەتتەر تابىلدى. وسىلايشا، جەدەل قىزمەتكەرلەردىڭ قابىلداعان شارالارى ارقاسىندا دايىن ەسىرتكىنىڭ 200-گە جۋىق ءبىر رەتتىك دوزاسى جانە ءۇش كەلىدەن ارتىق سينتەتيكا وندىرۋگە جارايتىن التى ليتر سۇيىق تۇرىندەگى ەسىرتكى زاڭسىز اينالىمعا جىبەرىلگەن جوق. ۇستالعانعا قاتىستى سوت «قاماۋدا ۇستاۋ» تۇرىندەگى بۇلتارتپاۋ شاراسىن تاڭدادى. ق ر قك 297-بابىنىڭ 3-بولىگى (ەسىرتكى قۇرالدارىن، پسيحوتروپتىق زاتتاردى، ولاردىڭ انالوگتارىن اسا ءىرى مولشەردە وتكىزۋ ماقساتىندا زاڭسىز دايىنداۋ، قايتا وڭدەۋ، ساقتاۋ) بويىنشا قىلمىستىق ءىس قوزعالدى. جازا مۇلكى تاركىلەنىپ، ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋدى كوزدەيدى.