المالىدا كوممۋنالدىق قىزمەتتەردىڭ ساپاسى جاقسارادى

چايكوۆسكيي جانە ماقاتايەۆ كوشەلەرىنىڭ اۋلاىشىلىك اۋماقتارىندا (900 ابونەنت) 1،5 شاقىرىم سۋ قۇبىرى جەلىسى جوندەلدى.

سونداي-اق برۋنو، راحمانينوۆ، 2ء-شى قاستەك جانە موڭعول كوشەلەرىندە (300 ابونەنت) 2 شاقىرىم كارىز جەلىسى سالىنۋدا. بۇل تۋرالى قالا اكىمى ە.دوسايەۆ المالى اۋدانى تۇرعىندارىمەن كەزدەسۋىندە مالىمدەدى، دەپ حابارلايدى Almaty-akshamy.kz. 

3،5 شاقىرىم سۋ قۇبىرى (7 ۋچاسكە) جانە 1،2 شاقىرىم جىلۋ جەلىسىن (بايتۇرسىنوۆ – تولە بي – ناۋرىزباي باتىر – بوگەنباي باتىر كوشەلەرىندە) جوندەلىپ، ەسەنتاي جانە قوجامقۇلوۆ كوشەلەرىندە جالپى ۇزىندىعى 800 م بولاتىن كارىز جەلىسىنىڭ قۇرىلىسى جالعاسۋدا.

سونىمەن قاتار «پانوراما» تۇرعىن ءۇي كەشەنىندە جانە ايتييەۆ كوشەسىندەگى 12 ۇيدە كاناليزاسيا جانە سۋ قۇبىرىنىڭ سورعى ستانسيالارىن رەكونسترۋكسيالاۋ جۇمىستارى جۇرگىزىلۋدە. ەسكەرەرلىك جايت، جۇمىستار وسى جىلدىڭ قاراشا ايىنىڭ سوڭىنا دەيىن اياقتالماق. وسى ماقساتتارعا قالا اكىمىنىڭ شەشىمىممەن اۋدان اكىمدىگىنە رەزەرۆتەن 353،4 ملن. تەڭگە ءبولىندى.

ينجەنەرلىك ينفراقۇرىلىم بويىنشا جوعارىدا اتالعان بارلىق جۇمىستار المالى اۋدانىنىڭ 90 مىڭنان استام تۇرعىنى ءۇشىن كوممۋنالدىق قىزمەتتەردىڭ ساپاسىن جاقسارتپاق.