بيىل المالى اۋدانى بويىنشا جالپى ۇزىندىعى 25 شاقىرىم بولاتىن 17 كوشەگە ورتاشا جوندەۋ جوسپارلانعان.
ونىڭ جالپى ۇزىندىعى 7،4 شاقىرىم، 3 كوشە بويىنشا: اباي داڭعىلى، ۋدارنايا كوشەسى جانە امانگەلدى كوشەسىندە جۇمىستار اياقتالدى، دەپ حابارلايدى Almaty-akshamy.kz.
بۇل تۋرالى الماتى اكىمى ەربولات دوسايەۆ المالى اۋدانى تۇرعىندارىمەن وتكەن كەزدەسۋدە ايتتى.
قىركۇيەك ايىندا جالپى ۇزىندىعى 17،6 شاقىرىم قالعان 13 كوشە بويىنشا جۇمىستار اياقتالادى.
«وسى جىلدىڭ قىركۇيەك ايىنىڭ سوڭىنا دەيىن بايتۇرسىنوۆ پەن دوسمۇحامەدوۆ كوشەلەرىنىڭ اراسىندا ايتەكە بي كوشەسىنىڭ بويىنداعى جولدى ۇزارتۋ اياقتالادى. بۇل كوشەنى ۇزارتۋ جوباسى جاقىن ماڭداعى ۇيلەردىڭ تۇرعىندارىنىڭ پىكىرىن ەسكەرە وتىرىپ، قايتا قارالعانىن اتاپ وتكىم كەلەدى»، - دەدى قالا باسشىسى ە.دوسايەۆ.
جوباعا سايكەس ايتەكە بي كوشەسىنىڭ سولتۇستىك جاعىنداعى تروتۋار جول بولىگى مەن №121ا، 123، 123/1 ۇيلەردىڭ اراسىندا ورنالاسقان. سونداي-اق وسى كوريدوردا ەلەكتر جەلىلەرىن شىعارۋ تراسساسى ورنالاسقان. جول جۇمىستارى بارىسىندا تۇرعىندار كەيىننەن شلاگباۋمدى بولشەكتەي وتىرىپ، تۇراق پەن بالالار الاڭدارىن الىپ تاستاۋ ارقىلى تروتۋار سالۋ شەشىممەن كەلىسپەيتىنىن ايتتى. قالالىق موبيلدىلىك باسقارماسى مەن اۋدان اكىمدىگىنىڭ تۇرعىندارمەن تالقىلاۋىنان كەيىن بالالار مەن شلاگباۋم قويىلعان تۇراق الاڭدارىن قالدىرا وتىرىپ، تروتۋاردىڭ جانە جول بويىنا شىعارىلاتىن ەلەكتر جەلىلەرىنىڭ (ارالاس تروتۋار) ورنالاسۋىن وزگەرتۋ تۋرالى شەشىم قابىلداندى.
«اۋدان اكىمدىگى بيىل 46 مىڭ م2 كوشە-جول جەلىسىن اعىمداعى جوندەۋدى جوسپارلادى، بۇگىنگى تاڭدا 17 مىڭ م2 استام جول توسەمى قالپىنا كەلتىرىلدى جانە قازان ايىنىڭ سوڭىنا دەيىن تاعى 29 مىڭ م2 جول جوندەلەتىن بولادى. بيىل ورتالىقسىزداندىرۋ اياسىندا وسى جۇمىستارعا اۋدان اكىمدىگىنە 800 ملن. تەڭگە بولدىك»، - دەدى ە.دوسايەۆ.
اۋداننىڭ تروتۋارلارىن جوندەۋگە ەرەكشە كوڭىل بولىنۋدە. بۇگىنگى كۇنى 5 كوشە: پانفيلوۆ كوشەسى (اباي داڭعىلىنان شيەۆچەنكو كوشەسىنە دەيىن)، دوسمۇحامەدوۆ كوشەسى (گوگول كوشەسىنەن 11 ۇيگە دەيىن)، تورەقۇلوۆ كوشەسى (سەيفۋللين داڭعىلىنان «Almatym» تۇرعىن ءۇي كەشەنىنىڭ كىرەبەرىسىنە دەيىن)، اۋەزوۆ كوشەسى (قابانباي باتىر داڭعىلىنان تولە بي كوشەسىنە دەيىن) جانە ماسانچي كوشەسى (جامبىل كوشەسىنەن تولە بي كوشەسىنە دەيىن) بويىنشا 2،2 كم تروتۋار جەلىسىن ورتاشا جوندەۋ جۇمىستارى اياقتالدى.
وسى جىلدىڭ قازان ايىنىڭ سوڭىنا دەيىن تاعى 2 كوشە: جالپى ۇزىندىعى 1 كم تولە بي كوشەسى (چوكين كوشەسىنەن بايزاقوۆ كوشەسىنە دەيىن) مەن رايىمبەك داڭعىلى (مەحانيچەسكايا كوشەسىنەن اۋەزوۆ كوشەسىنە دەيىن) بويىنشا تروتۋارلاردى رەتكە كەلتىرىلەدى.