مەكتەپتەر مەن بالاباقشالاردا 4،1 مىڭ ورىن جەتىسپەيدى.
المالى اۋدانىنىڭ تۇرعىندارىمەن كەزدەسۋدە قالا اكىمى ەربولات دوسايەۆ مەكتەپتەر مەن بالاباقشالاردا ورىن تاپشىلىعىن تومەندەتۋ بويىنشا جوسپارلى جۇمىستار جۇرگىزىلىپ جاتقانىن ايتتى، دەپ حابارلايدى Almaty-akshamy.kz
بيىلعى جىلى №34 جانە 144 گيمنازيالارعا 850 ورىندى ەكى قوسالقى نىسان پايدالانۋعا بەرىلدى. №15 گيمنازيانى سەيسميكالىق كۇشەيتۋ بويىنشا كۇردەلى جوندەۋ جۇمىستارى باستالدى. №16 مەكتەپكە قوسالقى نىسان سالۋعا جوبالىق قۇجاتتامانى ازىرلەۋ جوسپاردا بار. مەكتەپكە دەيىنگى ءبىلىم بەرۋ وبەكتىلەرى بويىنشا №43 بالاباقشا عيماراتىنىڭ بۇرىن جەكەشەلەندىرىلگەن بولىگى ساتىپ الىندى. وقۋ جىلىنىڭ باسىنا دەيىن №7 بالاباقشانىڭ سەيسميكالىق تۇراقتىلىعىن كۇشەيتۋ اياقتالادى.
مۇراتبايەۆ-جىبەك جولى كوشەلەرىندەگى بالاباقشانىڭ بۇرىنعى عيماراتىن جەكە مەنشىكتەن قايتارۋ جانە تىلەندييەۆ كوشەسىندەگى بۇرىنعى بالاباقشانى قالپىنا كەلتىرۋ ماسەلەسى قاراستىرىلۋدا.