الماتىدا «سەرگەك» كامەرالارىنىڭ سانى ارتادى

1 069 بىرلىككە دەيىن جەتكىزۋ جوسپارلانىپ وتىر.

وسى جىلدىڭ سوڭىنا دەيىن الماتىدا "سەرگەك" كامەرالارىنىڭ سانى 122-گە ارتتىرىپ، 1 069 بىرلىككە دەيىن جەتكىزىلەدى. بۇل تۋرادى قالا اكىمى ەربولات دوسايەۆ المالى اۋدانىنىڭ حالقىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.

 قالا اكىمىنىڭ ايتۋىنشا، شاھاردىڭ  دامۋىندا قوعامدىق قاۋىپسىزدىكتى قامتاماسىز ەتۋ ماسەلەسى وزەكتى بولىپ تابىلادى. ول ءۇشىن الدىن الۋ شارالارى قابىلدانادى.

 «2022 جىلدىڭ سوڭىنا دەيىن اۋداندا "سەرگەك" كامەرالارىنىڭ سانىن 122-گە ارتتىرىپ، 1 069 بىرلىككە دەيىن جەتكىزۋ جوسپارلانىپ وتىر. جاپپاي شوعىرلانۋ ورىندارى بويىنشا قوسىمشا 541 بەينەكامەرا ورناتىلادى، ونىڭ ىشىندە 200ء-ى اۋلادا،118ء-ى ساياباقتاردا/الاڭداردا جانە 223ء-ى قيىلىستاردا. بۇل رەتتە، بيۋدجەت ەسەبىنەن بۇرىن اۋلالاردا كامەرالار ورناتىلماعان. قاۋىپسىزدىك ماسەلەسىنىڭ ەكىنشى جاعى -  جايلى كوشە ينفراقۇرىلىمىن قۇرۋ. "Vision Zero" اياسىندا اۋداننىڭ 6 كوشەسىن قايتا قۇرۋ جۇرگىزىلۋدە، ونىڭ نەگىزگى ماقساتى جولدارداعى ءولىم-جىتىمدى ازايتۋ بولىپ تابىلادى. سونداي-اق، اعىمداعى جىلى اياقتالاتىن باعدارشامداردىڭ قۇرىلىسى ەسەبىنەن 6 ۋچاسكەدەگى كولىك اعىنى رەتتەلەتىن بولادى»، - دەدى ەربولات دوسايەۆ.

قالا باسشىسىنىڭ ايتۋىنشا، جاستار مەن قالامىزدىڭ بولاشاعى ءۇشىن ەسىرتكى ەرەكشە ءقاۋىپ توندىرەدى. جاستار اراسىندا ناشاقورلىقتىڭ الدىن الۋ ءۇشىن وتكەن جىلدىڭ قازان ايىندا قوعام وكىلدەرىمەن جانە ەسىرتكى قىلمىسىنا قارسى ءىس-قيمىل باسقارماسىمەن بىرگە «ناركوStop» جوباسى باستالعان.   

جوبا مەملەكەتتىك، قوعامدىق جانە جەرگىلىكتى دەڭگەيدەگى شارالار كەشەنى بولىپ تابىلادى. 

«بۇگىنگى تاڭدا جوباعا قاتىسۋشىلار، ياعني 400 ۆولونتەردان قۇرالعان كوماندا 80 مىڭنان استام ەسىرتكى جارناماسىن بوياپ ءوشىردى. پوليسيا قىزمەتكەرلەرى جوبا اقپاراتى بويىنشا 24 سينتەتيكالىق ەسىرتكى تاراتۋشىنى ۇستادى. مەنىڭ تاپسىرمام بويىنشا جوبا قالانىڭ باسقا اۋداندارىندا دا قايتالانۋدا»،- دەدى قالا اكىمى.