المالى اۋدانى تۇراقتى ءوسۋدى جانە الەۋمەتتىك-ەكونوميكالىق دامۋدىڭ وڭ ديناميكاسىن كورسەتۋدى جالعاستىرۋدا. بۇل تۋرالى الماتى قالاسىنىڭ اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى.
ەربولات دوسايەۆتىڭ ايتۋىنشا، 2024 جىلى قۇرىلىس (+20،6%)، كوتەرمە ساۋدا (+6،4%) جانە وڭدەۋ ونەركاسىبى (+1،6%) سياقتى سەكتورلارداعى ءوسىمنىڭ ارقاسىندا اۋداننىڭ قىسقا مەرزىمدى ەكونوميكالىق ينديكاتورى 6،8% - عا ۇلعايدى.
سونداي-اق، اۋداندا شاعىن جانە ورتا بيزنەس سەنىمدى دامىپ كەلەدى. جۇمىس ىستەيتىن شوب سۋبەكتىلەرىنىڭ سانى 23% - عا ءوسىپ، 71 مىڭ بىرلىككە جەتتى، بۇل 7،5 مىڭ جاڭا تۇراقتى جۇمىس ورنىن قۇرۋعا مۇمكىندىك بەردى. جەرگىلىكتى بيۋدجەتكە 373 ملرد تەڭگە سالىقتار مەن تولەمدەر ءتۇستى، بۇل 2023 جىلمەن سالىستىرعاندا 27% - عا ارتىق.
سەرپىندى ەكونوميكالىق ءوسىمنىڭ ارقاسىندا المالى اۋدانىنىڭ بيۋدجەتى 2024 جىلى 17،8% - عا ۇلعايىپ، 24،1 ملرد تەڭگەگە جەتتى، ال 2025 جىلى ول تاعى 13،3% - عا وسەدى. وسىلايشا، 2025 جىلى اۋدان بيۋدجەتى 27،8 ملرد تەڭگەنى قۇرايدى.
جالپى، اعىمداعى جىلى قالا ەكونوميكاسىنا 2،2 ترلن تەڭگە تارتۋ جوسپارلانۋدا. ەلىمىزدىڭ تاريحىندا العاش رەت قالالىق بيۋدجەت 2،2 ترلن تەڭگەدەن استى. دامۋ بيۋدجەتى 2022 جىلعا قاراي 2،2 ەسەگە ۇلعايىپ، 458 ملرد تەڭگەگە جەتتى.