المالى اۋدانىنىڭ تۇرعىندارى 2022 جىلدىڭ باسىنان بەرى 50 ملن تەڭگەدەن استام سوماعا اتاۋلى الەۋمەتتىك كومەك الدى
الماتى قالاسى المالى اۋدانى اكىمىنىڭ ورىنباسارى ساپار نۇراشيەۆ وكق بريفينگىندە جەرگىلىكتى بيۋدجەت ارقىلى الەۋمەتتىك جاعدايى تومەن ازاماتتاردى الەۋمەتتىك قولداۋ شارالارى تۋرالى ايتىپ بەردى، دەپ حابارلايدى اlmaty-akshamy.kz.
سپيكەردىڭ ايتۋىنشا، بيىل اتاۋلى الەۋمەتتىك كومەك 209 وتباسىعا 50،8 ملن تەڭگە تولەندى. 325 ازاماتقا 2 ملن تەڭگەگە تۇرعىن ءۇي كومەگى كورسەتىلدى. 1 112 قالا تۇرعىنى 7 اەك مولشەرىندە 23 ملن تەڭگەگە الەۋمەتتىك كومەك الدى.
از قامتىلعان 730 تۇرعىنعا 20 اەك كولەمىندە 39،6 ملن تەڭگە ءبىر رەتتىك الەۋمەتتىك كومەك كورسەتىلدى.
سونىمەن قاتار، جيىرما ۇوس قاتىسۋشىسى مەن مۇگەدەكتەرىنە 6،5 اەك كولەمىندە – بارلىعى 1،8 ملن تەڭگە كولەمىندە الەۋمەتتىك كومەك تولەندى.
«الەۋمەتتىك بىتىراڭقىلىقتى ەڭسەرۋ ءۇشىن اۋداندا 1500 كوپ بالالى جانە از قامتىلعان وتباسى تىركەلگەن «باقىتتى وتباسى» وتباسىن قولداۋ ورتالىعى ءوز قىزمەتىن تابىستى جۇزەگە اسىرۋدا. ورتالىق بازاسىندا مۇقتاج وتباسىلارعا قايىرىمدىلىق كومەك كورسەتۋ بويىنشا جۇمىستار جۇرگىزىلۋدە، جىل باسىنان بەرى جەكە گيگيەنا قۇرالدارىن، ازىق-تۇلىك جيىنتىعىن، سونداي-اق سىرتقى كيىممەن 498 وتباسى قامتىلدى»، - دەدى س. نۇراشيەۆ.
از قامتىلعان وتباسىلاردان شىققان بالالاردى تەگىن قوسىمشا بىلىممەن قامتاماسىز ەتۋ ءۇشىن «شىڭعا ورلەۋ» الەۋمەتتىك كلۋبى جۇمىس ىستەيدى (جىبەك جولى ك-سى، 135، «اسىل داريا» قق). 2020 جىلدان باستاپ كلۋب دامىتۋ ساباقتارى كۋرسىنان وتكەن 480 بالانى قامتي وتىرىپ، 5 وقۋدى جۇزەگە اسىردى.
بۇگىندە كلۋبتا كۇن سايىن 60 بالا وقيدى. پەداگوگتارمەن زەينەتكەرلەر، مۇگەدەكتىگى بار ادامدار جانە كوپ بالالى انالار قاتارىنان 29-ى جۇمىسقا ورنالاستىرىلدى.
جەرگىلىكتى اتقارۋشى ورگاندار اۋداننىڭ مۇقتاج تۇرعىندارىن ءوز ءىسىن اشۋعا ىنتالاندىرادى. ولار ءۇشىن جاتتىقتىرۋشىلارمەن ترەنينگتەر، بلوگەرلەرمەن كەزدەسۋلەر ۇيىمداستىرادى، سونداي-اق كاسىپكەرلەردى قولداۋدىڭ مەملەكەتتىك باعدارلامالارىن تۇسىندىرەدى، گرانت الۋ مۇمكىندىگى تۋرالى اڭگىمەلەيدى.
«باقىتتى وتباسى» ورتالىعىنىڭ كومەگىمەن Qoldau كاسىپكەرلەردى قولداۋ ورتالىعى ارقىلى مەملەكەتتىك گرانتتارعا 8 كوپ بالالى وتباسى قۇجات تاپسىردى.