بۇل تۋرالى الماتى قالاسى المالى اۋدانى اكىمىنىڭ ورىنباسارى ساپار نۇراشيەۆ وڭىرلىك كوممۋنيكاسيالار قىزمەتىنىڭ بريفينگىندە مالىمدەدى.
اكىم ورىنباسارىنىڭ حابارلاۋىنشا، اۋداندا 35،9 مىڭنان استام وقۋشىنى قامتيتىن 29 مەملەكەتتىك جانە 12 جەكەمەنشىك مەكتەپ بار. بۇگىندە وقۋشى ورىندارىنىڭ تاپشىلىعى 1883 قۇرايدى. بيىل ەكى مەكتەپكە 900 ورىندىق جاپسارجاي قۇرىلىسىنىڭ قۇرىلىسىن اياقتاۋ ەسەبىنەن تاپشىلىقتى 47،7%-عا ازايتۋ جوسپارلانۋدا (№34 مەكتەپ-گيمنازياعا 600 ورىندىق جانە №144 مەكتەپكە 300 ورىندىق جاپسارجاي).
ساپار نۇراشيەۆ جاڭا وقۋ جىلىندا 1323 وقۋشىعا ماتەريالدىق كومەك كورسەتىلەتىنىن ايتتى. ءار وقۋشىعا بيۋدجەتتەن 43 مىڭ تەڭگەدەن (مەكتەپ فورماسى مەن كەرەك-جاراقتارى ساتىپ الىنادى) باعىتتالادى.
بۇدان وزگە، «مەكتەپكە جول» رەسپۋبليكالىق اكسياسى اياسىندا اۋداننىڭ كاسىپورىندارى مەن ۇيىمدارىنىڭ قولداۋىمەن جاپپاي وقىتۋ شەڭبەرىندە قامتىلماعان 300 بالاعا كومەك كورسەتىلەتىن بولادى.
«جاڭا وقۋ جىلىندا 1-دەن 4-سىنىپقا دەيىن 13 559 وقۋشى ىستىق تاماقپەن قامتىلادى. حالىقتىڭ الەۋمەتتىك وسال توپتارىنان 5-11 سىنىپ وقۋشىلارى 650 ادامدى تەگىن تاماقپەن قامتيدى»، - دەدى س.نۇراشيەۆ.
سپيكەردىڭ ايتۋىنشا، 8 تامىزداعى جاعداي بويىنشا، المالى اۋدانىندا 1-سىنىپقا 3096 بالا قابىلداندى.
2022-2023 وقۋ جىلىندا №15 گيمنازيادا كۇردەلى جوندەۋ جۇمىستارى باستالادى. قازىرگى ۋاقىتتا وقۋشىلاردى باسقا ءبىلىم بەرۋ ۇيىمدارىنا ۋاقىتشا ءبولۋ جۇرگىزىلدى (بارلىعى – 2296 وقۋشى).
بۇدان ءارى س. نۇراشيەۆ اۋداننىڭ مەكتەپكە دەيىنگى ۇيىمدارىندا 3 جاستان 6 جاسقا دەيىنگى ورىن تاپشىلىعى 2310 ورىندى قۇرايتىنىن ايتتى. ونى ازايتۋ ءۇشىن ءبىرىنشى جارتىجىلدىقتا جالپى جوبالىق قۋاتى 489 ورىندىق 3 جەكەمەنشىك بالاباقشا (تۇرعىت وزال كوشەسى، 151 ءۇي مەكەنجايى بويىنشا "جانۇيا-2022" بوبەكجايى، كلوچكوۆ كوشەسى، 28/191 مەكەنجايى بويىنشا «دارا» بالاباقشا جانە كىشى اباي كوشەسى، 193 مەكەنجايى بويىنشا بالاباقشا) اشىلدى. سونىمەن قاتار، №16 بوبەكجاي-بالاباقشاسىن سەيسميكالىق نىعايتۋ ماقساتىنداعى كۇردەلى جوندەۋ اياقتالدى. №7 بالاباقشاعا كۇردەلى جوندەۋ جۇمىستارى جۇرگىزىلۋدە.
الماتى قالاسى وڭىرلىك كوممۋنيكاسيالار قىزمەتىنىڭ حابارلامالارى مەن ماتەريالدارىمەن ءبولىسۋ كەزىندە وكق-عا سىلتەمە جاساۋ مىندەتتى.