المالى اۋدانىندا جولدار جوندەلىپ، باعدارشامدار ورناتىلۋدا

الماتى قالاسىنىڭ المالى اۋدانىندا جولداردى، تروتۋارلاردى جوندەۋ، باعدارشامدار ورناتۋ تۋرالى ايتىلدى

الماتى قالاسى المالى اۋدانى اكىمىنىڭ ورىنباسارى ساپار نۇراشيەۆ 2022 جىلدىڭ باسىندا جالپى ۇزىندىعى 12،6 شاقىرىم بولاتىن 11 مەكەنجايدا جول جوندەۋ جوسپارلانعانىن، ونىڭ 6-ىندا جوندەۋ جۇمىستارى اياقتالعانىن ايتتى، دەپ حابارلايدى اlmaty-akshamy.kz.

مىسالى، بايعانين كوشەسىندە جامبىل كوشەسىنەن باستاپ تۇيىق جولعا دەيىنگى شەكارالارداعى؛ مارشاك كوشەسى (اباي داڭعىلىنان شاكارىم كوشەسىنە دەيىن)، بايتۇرسىنوۆ كوشەسى (اباي داڭعىلىنان قۇرمانعازى كوشەسىنە دەيىن)؛ بەكەتوۆ كوشەسى (№ 23 ۇيدەن تىلەندييەۆ كوشەسىنە دەيىن)؛ ارتەم كوشەسى برۋسيلوۆسكيي كوشەسىنەن تۇرعىت وزال جانە نۇرماقوۆ كوشەلەرىنە دەيىنگى ارالىعىنداعى جوندەۋ جۇمىستارى اياقتالدى.

بۇگىندە جۇمىستار قابانباي باتىر كوشەسىندە قوجامقۇلوۆ كوشەسىنەن بايتۇرسىنوۆ كوشەسىنە دەيىن جانە شاگابۋتدينوۆ كوشەسىندە (اباي داڭعىلىنان جامبىل كوشەسىنە دەيىن، قاراساي باتىر كوشەسىنەن تولە بي كوشەسىنە دەيىن) جۇرگىزىلەدى.

سونىمەن قاتار، ۇزىندىعى 1،3 شاقىرىم بولاتىن 14 مەكەنجايداعى تروتۋارلار مەن جاڭالارىنىڭ قۇرىلىسى قايتا جاڭعىرتىلدى.

س.نۇراشيەۆ وتكەن جىلى باستالعان 13 باعدارشام نىساندارىنىڭ قۇرىلىسى تۋرالى باياندادى، ونىڭ 7ء-ى اياقتالدى، قالعان 6-ى 2022 جىلدىڭ سوڭىنا دەيىن اياقتالادى.