اۋدان اكىمدىگى بيىلعى جىلعا 19 اۋلانى كۇردەلى جوندەۋدەن وتكىزۋدى جوسپارلاعان
ونىڭ 10-نى قايتا جاڭعىرتىلدى. بۇل تۋرالى قالا اكىمى ەربولات دوسايەۆ المالى اۋدانى تۇرعىندارىمەن وتكەن كەزدەسۋىندە ايتتى، دەپ حابارلايدى Almaty-akshamy.kz.
قالعان 9 اۋلانى كۇردەلى جوندەۋ جۇمىستارى باستالدى، وسى جىلدىڭ قازان ايىنىڭ سوڭىنا دەيىن اياقتالادى. سونداي-اق قازان ايىنىڭ سوڭىنا دەيىن اۋداننىڭ 50 اۋلاسىندا اعىمداعى جوندەۋ جۇمىستارى اياقتالادى. سونىمەن قاتار، وسى جىلى 47 تۇرعىن ءۇيدىڭ فاسادىن جوندەۋ جوسپارلانعان. ونىڭ ىشىندە 27 ۇيدە جۇمىستار اياقتالدى. قالعان 20 ۇيدە جوندەۋ جۇمىستارى وسى جىلدىڭ قىركۇيەگىندە اياقتالماق.
كۇلاش بايسەيىتوۆا اتىنداعى جاياۋ جۇرگىنشىلەر كوشەسىن اباتتاندىرۋ اياقتالدى، پروكوفيەۆ بۋلۆارى مەن دۇيسەنوۆ جاياۋ جۇرگىنشىلەر كوشەسىندە، سونداي-اق تاستاق شاعىن اۋدانىنداعى «ا. بايتۇرسىنوۆ» جانە «بۋدان» سكۆەرلەرىندە اۆتوماتتى سۋارۋ قۇرىلعىسىن ورناتا وتىرىپ، كوگالداندىرۋ جۇمىستارى جۇرگىزىلدى، -دەدى قالا اكىمى.
قىركۇيەك ايىنىڭ سوڭىنا دەيىن المالى اۋدانىنىڭ تاعى «بيوكومبينات»، «سوسنوۆىي»، «كىشى گاندي»، «ا. يمانوۆ سكۆەرى» جانە «گاندي پاركى» سكۆەرىندە كوگالداندىرۋ جانە اۆتوماتتى سۋارۋ جۇيەلەرىن جۇرگىزۋ جۇمىستارى اياقتالماق.