الماتىدا «قالالىق بالالاردى وڭالتۋ ورتالىعى» اشىلادى

«اباي – ماسانچيدەگى بۇرىنعى تەمىرجول اۋرۋحاناسىنىڭ عيماراتىن رەكونسترۋكسيالاۋعا» جوبالاۋ-سمەتالىق قۇجاتتاما ازىرلەنۋدە.

تاريحي كەلبەتتىڭ ساقتالۋىن قامتاماسىز ەتۋ ماقساتىندا جوبا مادەنيەت جانە سپورت مينيسترلىگى جانىنداعى «قازرەستاۆراسيا» كاسىپورنىمەن كەلىسۋدەن ءوتتى، دەپ حابارلايدى Almaty-akshamy.kz. 

بۇل تۋرالى الماتى اكىمى ەربولات دوسايەۆتىڭ المالى اۋدانى تۇرعىندارىمەن وتكەن كەزدەسۋىندە ايتىلدى.

«ساراپتاما قورىتىندىسىن 2024 جىلدىڭ I توقسانىندا الۋدى جانە قۇرىلىس-مونتاجداۋ جۇمىستارىن   2024 جىلدىڭ IIء-شى توقسانىندا باستاۋدى جوسپارلاپ وتىرمىز. بارلىق جۇمىستار اياقتالعاننان كەيىن وسى عيماراتتا زاماناۋي «قالالىق بالالاردى وڭالتۋ ورتالىعىن» اشامىز. قۇرىلىس-مونتاجداۋ جۇمىستارى- 2025 جىلدىڭ  I توقسانىندا اياقتالادى»، - دەدى قالا اكىمى ەربولات دوسايەۆ. 

2024 جىلدىڭ IIء-شى توقسانىندا رايىمبەك داڭعىلى 312 مەكەنجايىندا پسيحيكالىق دامۋى تەجەلگەن بالالارعا ارنالعان باسسەينى بار سپورت ورتالىعىنىڭ قۇرىلىسى باستالادى (ساراپتامانىڭ شىعۋى 2023 جىلدىڭ IV توقسانى).

سونداي-اق، ايتەكە بي كوشەسىنىڭ بويىندا 500 كەلۋشىگە ارنالعان جاڭا ەمحانا سالۋ بويىنشا (ەسكى عيماراتتى بۇزا وتىرىپ، قالالىق ريەۆماتولوگيالىق ورتالىقتىڭ ورنىنا) ساراپتاما قورىتىندىسىن 2024 جىلدىڭ IIء-شى توقسانىندا الۋ جوسپارلانىپ وتىر.

بۇگىنگى تاڭدا №3 ەمحانا عيماراتى مەن قالالىق ادام ۇرپاعىن ءوربىتۋ ورتالىعىن كۇردەلى جوندەۋگە جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتامانى ازىرلەۋدى اياقتاۋ وسى جىلدىڭ IVء-شى توقسانىنىڭ باسىنا جوسپارلانعان.

2024 جىلى №1 پەرزەنتحانانىڭ توزعان كورپۋسىن (1937 جىلى سالىنعان) بۇزىپ، زاماناۋي جابدىقتارمەن جابدىقتالاتىن جاڭا كورپۋس سالۋ جوسپارلانۋدا. جوبالاۋ-سمەتالىق قۇجاتتامانى ازىرلەۋدى اياقتاۋ – 2024 جىلدىڭ IIIء-شى توقسانى.