المالى اۋدانىندا حالىقتىڭ الەۋمەتتىك وسال توپتارىنان 46 مىڭنان استام ادام تۇرادى، 4 مىڭنان استامى مۇقتاج دەپ تانىلعان. اۋدان اكىمى ەرجان سەيتەنوۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا حالىقتىڭ وسى ساناتىنا قانداي قولداۋ شارالارى قاراستىرىلعانىن ايتتى دەپ حابارلايدى almaty-akshamy.kz
ەرجان سەيتەنوۆتىڭ ايتۋىنشا، اۋداندا «باقىتتى وتباسى» وتباسىن قولداۋ ورتالىعى تابىستى جۇمىس جاساۋدا، بۇل جەردە اۋداننىڭ 1 500 كوپبالالى جانە از قامتىلعان وتباسى تىركەلگەن. بيىلعى جىلى ورتالىق 11 مىڭنان استام قىزمەت كورسەتىپ، 17 وقۋ كۋرسىن وتكىزدى.
«ورتالىق نەگىزىندە مۇقتاج وتباسىلارعا قايىرىمدىلىق كومەك كورسەتۋدى ۇيىمداستىرۋ جۇمىستارى جۇرگىزىلۋدە. جىل باسىنان بەرى 1 443 وتباسى جەكە گيگيەنا قۇرالدارىمەن، ازىق-تۇلىك پەن ەت جيىنىمەن، سونىمەن قاتار سىرتقى كيىمدەرمەن قامتاماسىز ەتۋمەن ءتۇرلى قولداۋ شارالارىمەن قامتىلدى»، - دەدى ەرجان سەيتەنوۆ.
اۋدان اكىمى سونىمەن قاتار اۋداننىڭ مەسەناتتارى كوپ بالالى انالارعا 6،6 ميلليون تەڭگە كولەمىندە ماتەريالدىق كومەك جانە اۋتيزمگە شالدىققان بالالارعا ارنالعان تۇزەتۋ-دامىتۋ ورتالىعىنىڭ كومەك كورسەتكەنىن قوستى.
ەرجان سەيتەنوۆ سونىمەن قاتار اۋداندا 22 كوپبالالى انانى جۇمىسپەن قامتىعان «Isker ana Almaly» الەۋمەتتىك تىگىن سەحىنىڭ جۇمىسى تۋرالى ايتتى. بيىل ايەلدەر 2 000 بۇيىمدى تىگۋگە بەرىلگەن تاپسىرىستى ورىندادى.
اۋدان اكىمى «باستاۋ بيزنەس» باعدارلاماسىن ىسكە اسىرۋدىڭ ناتيجەلەرى تۋرالى باياندادى. اعىمداعى جىلى 180 ادام وقۋدان ءوتتى، ونىڭ 53ء-ى 200 اەك كولەمىندە مەملەكەتتىك گرانتقا يە بولدى.
«قولداۋ» كاسىپكەرلىك ورتالىعى ارقىلى ەكى كوپبالالى انا تىگىن ءىسى بويىنشا جوبالارىن ۇسىنىپ، ءارقايسىسى 4 ملن تەڭگەدەن گرانت الدى»، - دەدى اۋدان اكىمى.
سوعان قاراماستان مۇقتاج جانداردى قولداۋدىڭ نەگىزگى شارالارى – اتاۋلى الەۋمەتتىك كومەك. جىل باسىنان بەرى 236 وتباسىنا جالپى سوماسى 44،4 ملن تەڭگە الەۋمەتتىك تولەمدەر بەرىلدى، بۇل 1 083 ادامدى قۇرايدى.
مۇمكىندىگى شەكتەۋلى 77 بالانىڭ ۇيدە ءبىلىم الۋىنا 4،1 ملن تەڭگە وتەلدى. تۇرعىن ءۇي كومەگى 3 ملن سوماعا از قامتىلعان 405 ازاماتقا بەرىلدى.
«تاعى 1170 ازامات 20،9 ملن تەڭگە سوماسىنا 7 اەك كولەمىندە الەۋمەتتىك كومەك الدى. از قامتىلعان 684 ازاماتقا 33،7 ملن تەڭگەگە 20 اەك مولشەرىندە ءبىرجولعى الەۋمەتتىك كومەك كورسەتىلدى»، - دەدى ەرجان سەيتەنوۆ.
«2017-2021 جىلدارعا ارنالعان ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى بويىنشا 1 927 ادام جۇمىسقا ورنالاستىرىلدى.