الماتىنىڭ المالى اۋدانىنىڭ 10 كوشەسىندە 10 شاقىرىمدىق جول توسەمى جاڭارتىلدى.
بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە اۋدان اكىمى ەرجان سەيتەنوۆ ايتتى، دەپ حابارلايدى Almaty-akshamy.kz
ەرجان سەيتەنوۆتىڭ ايتۋىنشا، المالى اۋدانىندا جالپى ۇزىندىعى 173،3 شاقىرىمدى قۇرايتىن 110 كوشە بار.
«جولداردىڭ جۇمىسىن جاقسارتۋ ءۇشىن ون كوشەدەگى جولدىڭ 10 شاقىرىمى جاڭارتىلدى، ايتەكە بي، قوجامقۇلوۆ جانە تولە بي ءۇش كوشەسىنىڭ بويىندا جۇمىس جۇرگىزىلۋدە. رايىمبەك - روزىباكييەۆ بويىنداعى جولايرىعى جوندەلدى»، - دەدى ەرجان سەيتەنوۆ.
ەرجان سەيتەنوۆ كوشەدەگى جولدىڭ جاڭارۋى تۇرعىندار ءۇشىن ۇلكەن ماڭىزعا يە ەكەنىن، ويتكەنى بۇل كوشەلەردىڭ ءارقايسىسى مەگاپوليستىڭ كولىك جۇيەسىندە ماڭىزدى بولىپ تابىلاتىنىن اتاپ ءوتتى.
سونىمەن قاتار كەلەسى ۋچاسكەلەردە 810 مەتر تروتۋار جەلىسىنىڭ قۇرىلىسى اياقتالدى: نۇرلى جول كوشەسى قاراساي باتىردان بوگەنباي باتىرعا دەيىن، ماۋلەنوۆ كوشەسى ايتەكە بي مەن قازىبەك بيگە دەيىن، امانگەلدى كوشەسى ابايدان قۇرمانعازىعا دەيىن، بوگەنباي باتىر كوشەسى سەيفۋلليننەن ماسانچي مەن بوگەنباي باتىر كوشەسى اۋەزوۆتەن نۇرلى جولعا دەيىن.
اۋدان باسشىسى قالانىڭ كوشەلەرىن جارىقتاندىرۋدىڭ، اسىرەسە، قۇقىقتىق ءتارتىپتى قامتاماسىز ەتۋدەگى ماڭىزى تۋرالى ايتتى.
«اعىمداعى جىلى جارىقتاندىرىلماعان جانە جارتىلاي جارىقتاندىرىلعان 84 الاڭ بويىندا جوسپارلانعان جارىقتاندىرۋ قوندىرعىلارىنىڭ ىشىندە 82 ۋچاسكەدە 391 تىرەك پەن 872 شام ورناتۋمەن جۇمىس اياقتالدى. سونداي-اق، اۋداننىڭ 12 مونۋمەنتالدى ەسكەرتكىشىن ەرەكشەلەۋ بويىنشا جۇمىستار جۇرگىزىلدى»، - دەدى المالى اۋدانىنىڭ اكىمى.
اۋداندا قابىلدانعان شارالاردىڭ ارقاسىندا قىلمىس سانى ازايدى. ال ولاردى تىركەگەن جاعدايدا بارلىعى قىلمىستار «ءىزىن سۋىتپاي» اشىلۋدا. اۋداندا بارلىق باعىت بويىنشا تىركەلگەن قىلمىستار سانى 15،9%-عا تومەندەدى. ماسەلەن، پوليسيانىڭ بەس ستاسيونارلىق مودۋلدىك پوستى 113 اكىمشىلىك قۇقىق بۇزۋشىلىقتى اشتى.