اعىمداعى جىلدىڭ 20 اقپان كۇنى المالى اۋدانى كوميۋنيتي ورتالىعىندا «الەۋمەتتىك جوبالار» كورمەسى ءوتتى، دەپ حابارلايدى almaty-akshamy.kz
كورمەگە ءارتۇرلى سالاداعى قالامىزدا ءساتتى جۇزەگە اسىرىلىپ كەلە جاتقان الەۋمەتتىك ماڭىزى بار 15 جوبا ۇسىنىلدى. اتاپ ايتقاندا «Alpha volunteers» ەرىكتىلەرىنىڭ تىلدەر پاركى، «QAMQOR CHARITY قق-نىڭ الەۋمەتتىك شەبەرحاناسى، «تەپلو» قايىرىمدىلىق جوباسى، «ITeachMe» قۇزىرەتتىلىكتى دامىتۋ ورتالىعى، «Teenergizer.qz» الەۋمەتتىك ماڭىزى بار اۋرۋلاردىڭ الدىن الۋ جوباسى جانە ت.ب بار. سونىمەن قاتار، ءىس-شارادا قالانىڭ دەمالىس ورتالىقتارىنان قولونەر كورمەسى ۇيىمداستىرىلعان بولاتىن.
ءارتۇرلى ۇيىم وكىلدەرى وزدەرىن تانىستىرا وتىرىپ، قىزىعۋشىلىق تانىتقان قوناقتاردى ءوز جوبالارىنا شاقىردى. كورمەگە قالا تۇرعىندارى، جاستار، سونداي-اق وقۋشىلار دا قاتىستى.
– وسىنداي كورمەلەر ارقىلى قوعامعا پايداسىن تيگىزىپ جۇرگەن الەۋمەتتىك ماڭىزى بار جوبالاردى جاستار اراسىندا كەڭىنەن ناسيحاتتاعىمىز كەلدى. بۇنىڭ ىشىندە ۆولونتەرلىك، الەۋمەتتىك جوبالار بار. ويتكەنى وسى كورمەگە ۇسىنىلعان قاتىسۋىشلاردىڭ بارلىعى ءبىزدىڭ قوعامدا ۇلكەن ىگى ءىس اتقارىپ جۇرگەن جاندار، - دەيدى ۇيىمداستىرۋشىلار.
ايتا كەتەيىك، اتالمىش كورمە الداعى ۋاقىتتا قالامىزدىڭ باسقا اۋداندارىندا جالعاسىن تاپپاق.