المالى اۋدانىنداعى كوميۋنيتي ورتالىقتا قارجىلىق ساۋاتتىلىق بويىنشا كۋرس باستالدى.
المالى اۋدانىنىڭ كوميۋنيتي ورتالىعىندا اۋدان تۇرعىندارىنا «قارىزسىز قوعام» جوباسى اياسىندا قارجىلىق ساۋاتتىلىق بويىنشا ارنايى كۋرس باستالدى، دەپ حابارلايدى almaty-akshamy.kz
تۇرعىندارعا قارجىنى ۇتىمدى باسقارۋ، نەسيە، قارىز ماسەلەسى، قارجىلىق ساۋاتتى ارتتىرۋ بويىنشا ءبىرشاما كەڭەستەر بەرىلدى. كۋرستى قارجىلىق كەڭەس بويىنشا ەكسپەرت جاندوس براسيلوۆ وتكىزدى.
«قارىزسىز قوعام» − حالىقتىڭ قارجىلىق ساۋاتىن ارتتىرۋعا باعىتتالعان جوبا. اتالعان جوبادا نەسيە بويىنشا بەرەشەگى بار جانە بورىشكەرلەر تىزىمىندە تۇرعان اۋىل تۇرعىندارى، قارىزى بار جانە ونىڭ مەرزىمىن وتكىزىپ العان ازاماتتار، مەملەكەتتەن جەڭىلدىكپەن نەسيە الۋعا ۇمىتكەر كاسىپكەرلەر وقۋدان وتە الادى.
ودان بولەك، كاسىپ اشقىسى كەلەتىن جاندارعا باعىت-باعدار بەرىلىپ، قارجىلىق قيىندىقتارى تۋىنداعان ازاماتتارعا تەگىن زاڭگەرلىك كومەك كورسەتىلەدى.
ايتا كەتەيىك، حالىقتىڭ قارجىلىق ساۋاتىن ارتتىرۋعا باعىتتالعان كۋرس المالى اۋدانىنىڭ كوميۋنيتي ورتالىعىندا 23 اقپانعا دەيىن جالعاسادى.