بوستاندىق اۋدانىندا جاڭا «الماگۇل» قوسالقى ستانسياسىنا 4،8 كم ەلەكترمەن جابدىقتاۋ جەلىسى تارتىلدى. ونى شىلدە ايىنىڭ سوڭىندا ىسكە قوسۋ جوسپارلانعان. بۇل تۋرالى الماتى قالاسىنىڭ اكىمى ە.دوسايەۆ بوستاندىق اۋدانىنىڭ تۇرعىندارىمەن كەزدەسۋىندە ايتتى، دەپ حابارلايدى Almaty-akshamy.kz.
بۇل شامامەن 200 مىڭ تۇتىنۋشىنى ەلەكتر ەنەرگياسىمەن ۇزدىكسىز قامتاماسىز ەتەدى. بۇل تۋرالى الماتى اكىمى ەربولات دوسايەۆ حالىقپەن كەزدەسۋدە مالىمدەدى. «الاتاۋ جارىق كومپانياسى» اكسيونەرلىك قوعامىنىڭ جەلىسى بويىنشا شىلدە ايىندا 77،5 كم جوعارى ۆولتتى ەلەكتر كابەل جەلىلەرىن، 98 دانا ترانسفورماتورلىق ستانسيالار مەن تاراتۋ پۋنكتتەرىن اعىمداعى جانە كۇردەلى جوندەۋ جۇمىستارى باستالدى. سونىمەن قاتار، 1،5 كم كابەلدىك جەلىلەر اۋىستىرىلىپ جاتىر، ول جىل سوڭىندا بىتەدى»، - دەدى اكىم. ماۋسىم ايىندا اۋداننىڭ قوسىلعان اۋماقتارىندا ەرمەنساي جانە رەميزوۆكا شاعىن اۋداندارىندا 47،2 كم ەلەكتر جەلىلەرىن رەكونسترۋكسيالاۋ جۇمىستارى باستالدى. اياقتالۋى – 2024 جىلدىڭ ءساۋىرى.