الما-اراسان تاۋلارىنان جوعالعان ايەل تابىلدى

تۋريست ايەل تاۋعا، «تەررا» الاڭىنا جالعىز ءوزى شىققان.

7 قاڭتار كۇنى تاۋعا شىعىپ، جاياۋ سەرۋەندەپ بولعاننان كەيىن، 1983 جىلى تۋعان ايەل كولىككە قاراي ءتۇسۋ كەزىندە تەلەفونىن جانە باقىلاۋ تاياقشالارىن جوعالتىپ الدى. ايەل تاۋدان ءتۇسىپ بارا جاتقاندا، شامالى قار كوشكىنى ءتۇسىپ، زارداپ شەگۋشىنى قۇلاتىپ، «پروحودنايا» وزەنىنە قاراي الىپ كەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

9 قاڭتاردا ساعات 5.00 شاماسىندا تجم «رجقج» مم كەزەكشى بولىمىنە الما-اراسان شاتقالىندا جوعالعان ايەل تۋرالى شاقىرۋ ءتۇستى. جەكە قۇرامنىڭ 11 قۇتقارۋشىسى، ونىڭ ىشىندە 1 كينولوگيالىق ەسەپتوپتان تۇراتىن جەدەل توپ 2 اۆتوموبيل تەحنيكاسىمەن قۇتقارۋعا شىقتى.

«رجقج قىزمەتكەرلەرى ءتۋريستى ءتۇنى بويى جارتاستى جانە قارلى تاۋلاردان ىزدەدى. ودان بولەك، بىرنەشە ەرىكتىلەر ۇيىمدارى، سونىڭ ىشىندە «دوبروسپاس» جانە «ليدەر»، سونداي-اق «قۇتقارۋ قىزمەتى» قاتىستى. ىزدەۋ جۇمىستارى ءتۇنى بويى جالعاستى. تۇنگى ساعات 4-كە تاياۋ زارداپ شەككەن تۋريست تابىلدى جانە بارلىق ىزدەۋ توپتارى بەرىلگەن كوورديناتتارعا قاراي جىلجىدى. قۇتقارۋشىلار بارلىق قاجەتتى كومەك كورسەتىپ، ءتۋريستتى پروحودنوە شاتقالىنا تاسىمالداۋدى باستادى. تاسىمالداۋ اياقتالعاننان كەيىن، زارداپ شەگۋشى امو بريگاداسىنا بەرىلدى»، - دەپ جازدى تجم-نان.