بۇل - دەنساۋلىق ساقتاۋ ءمينيسترى اجار عينياتتىڭ ءسوزى.
ەلىمىزدە انا مەن بالا ءولىمى ازايعان، دەپ حابارلايدى Almaty-akshamy.kz.
مينيستر پرەزيدەنت تاپسىرماسىن ورىنداۋ ءۇشىن كەشەندى جۇمىس جۇرگىزىلگەنىن اتاپ ءوتتى.
«تاپسىرمالاردى ىسكە اسىرۋدىڭ ارقاسىندا حالىقتىڭ نەگىزگى مەديسينالىق-دەموگرافيالىق كورسەتكىشتەرى جاقساردى. بىلتىر 11 ايدا حالىقتىڭ جالپى ءولىم-جىتىمى 2021 جىلمەن سالىستىرعاندا 30%-عا (29،7%) تومەندەدى: قان اينالىم جۇيەسى اۋرۋلارىنان بولاتىن ءولىم-جىتىم – 34% (33،7%)، وبىر – 8% (8،3%)، تىنىس الۋ اۋرۋلارىنان بولاتىن ءولىم-جىتىم – 1،7 ەسە، تۋبەركۋلەزدەن بولاتىن ءولىم-جىتىم – 12،5%»،دەدى اجار عينيات.
ءمينيستردىڭ ايتۋىنشا، بىلتىر انا ءولىمى 3 ەسە (2021 جىلى – 185 دەرەك، 2022 جىلى – 57 دەرەك)، ال نارەستە ءولىمى 3% تومەندەگەن.
«وتكەن جىلى حالىقتىڭ ءومىر ءسۇرۋ ۇزاقتىعىنىڭ ارتقانى ءسوزسىز. جىلدىق رەسمي ستاتيستيكا قورىتىندىسى بويىنشا، وڭىرلەردىڭ دەنساۋلىق ساقتاۋ سالاسىنداعى جەتىستىكتەرى مەن كەمشىلىكتەرى مينيسترلىكتىڭ كەلەسى القا وتىرىسىندا قارالادى»، - دەدى مينيستر.