الما اعاشىن كوكتەمدە قىرقۋدىڭ ءتيىمدى تاسىلدەرى قانداي؟

كوكتەم - الما اعاشىن قالىپقا كەلتىرۋدىڭ ەڭ ادەمى ۋاقىتى.

ەگەر بۇتالاردى وسكەن كۇيىندە قالدىراتىن بولسا، وندا ولار ءونىم سالماعىنان سىنىپ كەتۋى مۇمكىن. سونداي-اق اعاش تا بار كۇشىن ءونىم بەرۋگە جۇمساپ، كۇشىن جوعالتادى. كەيىن اۋىرىپ، ءونىم بەرمەيتىن بولادى، دەپ حابارلايدى Almaty-akshamy.kz Ernur.kz-كە سىلتەمە جاساپ.

سوندىقتان كوكتەم كەلىپ، كۇن جىلىنعان سوڭ كەسكىش الىپ ارەكەتكە كىرىسۋ كەرەك. كوشەتتى ءبىرىنشى قىستاپ شىققان سوڭ العاشقى قىرقۋ. وسىمدىكتە ەڭ مىقتى 3-5 بۇتانى قالدىرۋ كەرەك. استىندا تۇرعان بۇتالار جوعارىداعىدان شامالى ۇزىن بولعانى دۇرىس. كەز كەلگەن الما اعاشىنىڭ قۋراعان جانە قىستا ءۇسىپ قالعان بۇتالارىن قىرقىپ تاستاۋ كەرەك.

وسكىندەردىڭ كەيبىرىندە بۇرشىك بولماي، قابىعى قارايعان بولسا، مىندەتتى تۇردە كەسىپ تاساڭىز. كوشەتتى ەككەننەن كەيىنگى ءۇش، ءتورت، بەسىنشى جىلدارى الما اعاشىندا جوعارعى بولىك (كرونا) قالىپتاسا باستايدى. ءونىم بەرۋ تومەندەمەس ءۇشىن بۇتالاردى از قىرقامىز. ءبىراق، بىر-بىرىنە ايقاسقان، ءالسىز بۇتالاردى مىندەتتى تۇردە كەسۋ قاجەت. ەگەر الما اعاشىڭىزدىڭ ءوسىپ تۇرعانىنا 20 جىلدان كوپ بولىپ قالسا، وندا ول جىل وتكەن سايىن ءونىمدى از بەرە باستايدى. سوندىقتان ونى جاسارتۋ كەرەك. ول ءۇشىن جالپى وسكىننىڭ 3/1 بولىگىن كەسىپ تاستاڭىز. ىرىلەرىنە تيىسپەڭىز. كەلەسى 2-3 جىل وسىلاي قايتالاپ وتىرۋ كەرەك. سول كەزدە الما اعاشى تولىقتاي جاڭاراتىن بولادى جانە مول ءونىم بەرە باستايدى. الما اعاشىن دۇرىس قىرقىپ، كۇتىم جاساي بىلسەڭىز، مول ونىممەن قۋانتاتىنى ءسوزسىز.