قازاقستاندا اۆتوكولىك نارىعىندا ماڭىزدى وزگەرىستەر ورىن الۋدا. جۇڭگو مەن كورەيادان كولىك اكەپ ساتاتىن «Allur Auto Astana» كومپانياسىنىڭ زاڭسىز ارەكەتتەرى انىقتالدى. باسەكەلەستىكتى قورعاۋ جانە دامىتۋ اگەنتتىگى كومپانيانىڭ مونوپولياعا قارسى زاڭنامانى بۇزعانىن اتاپ ءوتتى، بۇل ءوز كەزەگىندە تۇتىنۋشىلاردىڭ قۇقىقتارىنىڭ شەكتەلۋىنە اكەلدى، دەپ حابارلايدى aqshamnews.kz
كومپانيانىڭ ارەكەتىندە ساتىپ الۋشىلاردىڭ قۇقىقتارىن بۇزۋ بايقالدى. بۇل ارەكەتتەردىڭ ەڭ باستىسى، اۆتوكولىككە موتور مايىن اۋىستىرۋ نەمەسە تەحنيكالىق قىزمەت كورسەتۋ تاۋەلسىز ورتالىقتاردا جۇرگىزىلگەن جاعدايدا اۆتوكولىك كەپىلدىگىنىڭ جويىلۋىنا اكەلۋى بولدى. ياعني، كومپانيا تۇتىنۋشىلاردىڭ ەركىن تاڭداۋىن شەكتەپ، باسەكەلەستىكتىڭ دامۋىنا كەدەرگى كەلتىردى. مۇنداي ارەكەتتەر نارىقتا باسەكەلەستىكتىڭ تارىلۋىنا جانە تۇتىنۋشىلاردىڭ قۇقىقتارىنىڭ بۇزىلۋىنا الىپ كەلدى.
باسەكەلەستىكتى قورعاۋ جانە دامىتۋ اگەنتتىگى بۇل بۇزۋشىلىقتى انىقتاپ، «Allur Auto Astana» كومپانياسىنا بۇزۋشىلىقتاردى جويۋ تۋرالى حابارلاما جىبەردى. كومپانيا بۇل شەكتەۋلەردى جويۋدى راستادى. ەندى اۆتوكولىك يەلەرى ءوز كولىكتەرىنە كەپىلدىكتى جوعالتپاي، ۋاكىلەتتى جانە تاۋەلسىز قىزمەت كورسەتۋ ورتالىقتارىندا قىزمەت الا الادى.
بۇل جاعداي قازاقستانداعى اۆتوكولىك نارىعىنىڭ ءادىل ءارى اشىق جۇمىس ىستەۋى ءۇشىن ماڭىزدى قادام بولىپ تابىلادى. باسەكەلەستىكتى قورعاۋ اگەنتتىگى وسىنداي قاتاڭ شارالار ارقىلى تۇتىنۋشىلاردىڭ قۇقىقتارىن قورعاپ، نارىقتاعى ادىلەتسىز باسەكەلەستىكتى بولدىرماۋعا ىقپال ەتىپ وتىر.