بيىل 1 سىنىپقا باراتىندار QR-كود پەن اۋديوديسكىسى بار «الىپپەمەن» ساۋات اشادى، دەپ حابارلايدى Almaty-akshamy.kz 31-ارنانىڭ ينفورمبيۋرو اقپاراتتىق باعدارلاماسىنا سىلتەمە جاساپ.
اتا-انالار الىپپەنىڭ قايتا ەنگىزىلگەنىنە قۋانعانىن ايتىپ جاتىر. الىپپەدە QR-كود پەن اۋديوديسك بار. باستاماشىلار بالا وتكەن ساباقتى تەرەڭىرەك ءتۇسىنۋى ءۇشىن وسىنداي زاماناۋي ءادىس قولدانۋدى ءجون كورگەن. ياعني، كەز كەلگەن ۋاقىتتا كىتاپتىڭ بۇرىشىنداعى كودتى سكانەرلەپ، تاقىرىپتى قايتا تىڭداۋعا بولادى.
جاڭارتىلعان الىپپەنىڭ سىرتى دا، ءىشى دە ۆيزۋالدى تۇردە اسا وزگەرمەگەن. ءبىراق بىرنەشە ەرەكشەلىگى بار. وقۋلىقتا وڭايدان كۇردەلىگە قاعيداتى ساقتالىپ، وقۋشىعا ۇيرەنۋ وڭاي بولۋى ءۇشىن بىرنەشە تىڭ ءادىس ەنگىزىلگەن.
«وقۋشىعا ءبىلىمدى تاجىريبە ارقىلى ءارى ءوز بەتىنشە الۋعا مۇمكىندىك جاساۋ. مىنە وسى قاعيداتتار نەگىزىندە الىپپە وقۋلىعى ازىرلەندى»، – دەدى ق ر عىلىمي-پراكتيكالىق ءبىلىم مازمۇنىن ساراپتاۋ ورتالىعى ديرەكتورىنىڭ ورىنباسارى مانشۇك مۇحامەتقالي قىزى.
ادىسكەر مامان ساندۋعاش اتەيبەك بۇل وقۋلىقتى «سيفرلى الىپپە» دەيدى. ويتكەنى، كىتاپتا QR-كود پەن اۋديوديسك بار. ديسك ارقىلى كىتاپتى ەلەكتروندى تۇردە وقۋ دا ويلاستىرىلعان. سونىمەن قاتار، ءار تاقىرىپتى وتكەن سوڭ، كودتى سكانەرلەپ، ماقال-ماتەلدەردى وڭاي جاتتاۋعا بولادى.
«وقۋلىقتىڭ مازمۇنى تۇسىنىكتى. جەڭىل جانە ەندى اتا-انالارعا دا تۇسىنىكتى بولادى دەپ ويلايمىن»، – دەدى ادىسكەر ساندۋعاش اتەيبەك.
كوپ اتا-انا الىپپەنىڭ قايتا ەنگىزىلگەنىنە قۋاناتىنىن ايتادى. تامىرى تەرەڭدە جاتقان الىپپە بالالاردىڭ ءارىپتى تەز ۇيرەنۋىنە وڭ اسەر ەتەتىنىنە سەنىمدى. الىپپەنى قايتا وقۋ باعدارلاماسىنا ەنگىزەر كەزدە بەس باسپادان بەس ءتۇرلى كىتاپ ۇسىنىلعان ەكەن. سولاردىڭ اراسىنان وسى وقۋلىق ۇزدىك دەپ تانىلعان. 500-گە تارتا ماماننىڭ ساراپتاماسىنان وتكەن الىپپەنىڭ ءساتتى نە ءساتسىز شىققانىن ەندى ۋاقىت كورسەتەدى.