ەكى مىڭنان استام ادامعا ىزدەۋ جاريالاندى.
16 مىڭ قازاقستاندىقتىڭ ەلدەن شىعۋىنا تىيىم سالىنعان، دەپ حابارلايدى Almaty-akshamy.kz
قازاقستاندا اليمەنت تولەۋدەن قاشىپ جۇرگەن ادامداردىڭ قارىزى 14 ملرد تەڭگەگە جەتتى. ولاردىڭ اراسىندا ايەلدەر دە بار.
سوت ورىنداۋشىلاردىڭ وندىرىسىندە اليمەنتكە قاتىستى 305 مىڭعا جۋىق ءىس جاتىر. اليمەنت تولەمەۋدەن استانا جانە الماتى قالاسى الدىڭعى ورىندا تۇر.
«اليمەنتتى از تولەۋ ءۇشىن ەڭبەكاقىسىن 70 مىڭ دەپ كورسەتەتىندەر وتە كوپ. وزگە ايلاردا 500 مىڭنان ەڭبەكاقى العاندار ءدال اليمەنت تولەيتىن كەزدە بىردەن ايىنا 60-70 مىڭ تەڭگە الاتىن بولىپ شىعا كەلەدى. بالاسىنا اليمەنت تولەمەۋ ءۇشىن مۇلكى مەن بيزنەسىن باسقا ادامعا جازاتىندار دا كوپ»، - دەيدى ماماندار.
مۇنداي شەشىمى قيىن اليمەنت ماسەلەسىن سوت ورىنداۋشىلار دا العىسى كەلمەيتىن كورىنەدى.
زاڭ ءتىپتى جۇمىسسىزداردى دا اليمەنت تولەۋگە مىندەتتەيدى. سونىمەن قاتار بورىشكەرگە قىلمىستىق ءىس قوزعاۋ ءۇشىن ءۇش اي عانا اقشا اۋدارماۋ جەتكىلىكتى.
«ەڭ جەڭىل جازا بويىنشا بورىشكەر قوعامدىق جۇمىستارعا تارتىلۋى مۇمكىن، ەڭ اۋىرى، ەكى جىلعا دەيىن باس بوستاندىعىنان ايىرىلادى. وتكەن جىلى عانا اليمەنت تولەمەگەن جۇزدەن استام قازاقستاندىق سوت ارقىلى قىلمىستىق جاۋاپكەرشىلىككە تارتىلدى»، - دەيدى استانا قالاسى بويىنشا جەكە سوت ورىنداۋشىلار وڭىرلىك پالاتاسىنىڭ باسشىسى سالامات ادىلبەك ۇلى.