اليمەنت وندىرۋدەن جالتارعان 6 مىڭعا جۋىق بورىشكەر اكىمشىلىك جانە قىلمىستىق جاۋاپتىلىققا تارتىلدى.
پروكۋراتۋرا ورگاندارى اليمەنتتەردى ءوندىرىپ الۋ ماسەلەسىنە ەرەكشە نازار اۋدارادى جانە ۇيلەستىرۋ شارالارىمەن سوت ورىنداۋشىلارى، پوليسيا، اكىمدىكتەر جانە باسقا دا ۋاكىلەتتى ورگانداردىڭ كەلىسىلگەن ءىس-قيمىلدارىن قامتاماسىز ەتەدى، دەپ حابارلايدى Almaty-akshamy.kz.
Astanatv.kz حابارلاۋىنشا، وسى باعىتتا ەكى جىل ىشىندە پروكۋراتۋرامەن 236 ءماجىلىس، القا جانە ۇيلەستىرۋ كەڭەستەرى وتكىزىلدى.
اليمەنت تولەمەۋدىڭ نەگىزگى سەبەبى – بورىشكەرلەردىڭ جۇمىسقا ورنالاسپاۋى، تۇراقتى تابىستىڭ بولماۋى.
جاعدايدى شەشۋ ءۇشىن كاسىپكەرلەردى تارتا وتىرىپ 200-گە جۋىق بوس ورىندار جارمەڭكەسى ۇيىمداستىرىلدى.
جۇمىسپەن قامتۋ ورگاندارىندا 20 مىڭ جۇمىسسىز بورىشكەر ەسەپكە الىندى، ونىڭ 9،5 مىڭى جۇمىسقا ورنالاستى. 500-دەن استام ءتۇرلى ىنتالاندىرۋ شارالارى وتكىزىلدى (اكسيا، رەيدت، الەۋمەتتىك روليك، بيلبوردتار جانە باسقالار).
اليمەنت وندىرۋدەن جالتارعان 6 مىڭعا جۋىق بورىشكەر اكىمشىلىك جانە قىلمىستىق جاۋاپتىلىققا تارتىلدى.
700 قاداعالاۋ اكتىسى بويىنشا تارتىپتىك جازادا 825 جەكە سوت ورىنداۋشى جازالاندى.
جۇيەلى جانە كەشەندى شارالار قابىلداۋ ناتيجەسىندە پروبلەمالىق ءىس جۇرگىزۋلەردىڭ سانىن ۇشتەن بىرىنە دەيىن قىسقارتۋعا مۇمكىندىك بەردى نەمەسە 75 مىڭنان 50 مىڭعا دەيىن.
140 مىڭ بالانىڭ پايداسىنا 23 ملرد تەڭگەگە قارىز وتەلدى، سونىمەن قاتار قارىز ەسەبىنە بورىشكەرلەردىڭ 322 مۇلكى ءوندىرىپ الۋشىلارعا بەرىلدى.
بۇگىندە قارىز سوماسى 22 ملرد تەڭگەنى قۇرايدى.
وسىعان بايلانىستى پروكۋراتۋرا ورگاندارى بورىشكەرلەردىڭ ەسەپكە الىنباعان جانە جاڭا كىرىس كوزدەرىن انىقتاۋ ءۇشىن جاڭا تاسىلدەر مەن الگوريتمدەر ازىرلەدى: تاكسي قىزمەتىندەگى ءموبيلدى قوسىمشالار ارقىلى جۇمىس ىستەۋ (ياندەكس، inDriver، DiDi، Uber)، بۋكمەكەرلىك كەڭسەلەردەگى ستاۆكالار، ەلەكتروندىق ءامياندار جانە ت.ب.
سوت ورىنداۋشىلار بورىشكەرلەردىڭ وسىنداي تابىستارى تۋرالى مالىمەتتەردى پروكۋروردىڭ سانكسياسى ارقىلى الادى.
مىسالى، قاراعاندى وبلىسىندا پروكۋرورلار ەلەكتروندىق ءاميانداردا اقشانى جاسىرعان 86 تولەمەۋشىنى انىقتادى.
كىرىستەردەن ءوندىرىپ الۋعا مۇمكىندىك بەرەتىن زاڭنامالىق تۇزەتۋلەر ەنگىزۋ تۋرالى ۇسىنىستار ادىلەت مينيسترلىگىنە جانە پارلامەنت دەپۋتاتتارىنا جىبەرىلدى.
اليمەنتتەردى ءوندىرىپ الۋ جانە بالالاردىڭ قۇقىقتارىن ساقتاۋ ماسەلەلەرى پروكۋراتۋرا ورگاندارىنىڭ تۇراقتى باقىلاۋىندا.