30-31 مامىر كۇندەرى قىتايدىڭ شانحاي قالاسىندا وتكەن حالىقارالىق گيمناستيكا فەدەراسياسى (FIG) اتقارۋشى كوميتەتىنىڭ وتىرىسىندا ءاليا يۋسۋپوۆاعا "قۇرمەتتى باپكەر" اتاعى بەرىلدى.
ءاليا يۋسۋپوۆا وتاندىق گيمناستيكا فەدەراسياسىنىڭ باسشىسى قىزمەتىنەن بولەك، كوركەم گيمناستيادان ۇلتتىق قۇرامانىڭ باس باپكەرى قىزمەتىن اتقارۋدا، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
ونىڭ شاكىرتتەرى تۇراقتى تۇردە وليمپيادا ويىندارىنا قاتىسىپ كەلەدى. پاريج وليمپياداسىندا ەلجانا تانييەۆا كوركەم گيمناستيكادان ەل نامىسىن قورعايدى.
ءاليا ماقسۇت قىزى قازاقستان نامىسىن وليمپيادادا ابىرويمەن قورعاعان العاشقى گيمناست. ول 2004 جىلعى افينى وليمپياداسىندا 4، 2008 جىلعى بەيجىڭ وليمپياداسىندا 5-ورىن العان.
ودان بولەك، ازيا ويىندارىنىڭ جەڭىمپازى، ازيانىڭ ءابسوليۋتتى چەمپيونى.