بۇگىندە ءۇندىستاندا 1،442 ميلليارد ادام تۇرادى. بۇل – الەمدەگى ەڭ كوپ ادام قونىستانعان ەل.
2011 جىلى جۇرگىزىلگەن حالىق ساناعى بويىنشا ءۇندىستاندا 1،21 ملرد ادام تىركەلگەن بولاتىن، دەپ حابارلايدى Almaty-akshamy.kz.
ەكىنشى ورىنعا 1،425 ميلليارد حالقى بار جۇڭگو جايعاسقان. تاسس اگەنتتىگىنىڭ مالىمەتىنشە، بۇل اقپاراتتار بىرىككەن ۇلتتار ۇيىمى حالىقتى ورنالاستىرۋ قورىنىڭ بايانداماسىندا كورسەتىلگەن.
اتالعان قور ءۇندىستان حالقى سانىنىڭ ءوسۋىن ەلدەگى الەۋمەتتىك-ەكونوميكالىق جاعدايدىڭ جاقسارۋى جانە انا ءولىمى دەڭگەيىنىڭ تومەندەۋىمەن بايلانىستىرىپ وتىر.
- قازىرگى ۋاقىتتا ءۇندىستان حالقىنىڭ 26% -ى 10-24 جاس ارالىعىنداعى جاستار بولىپ تابىلادى.
- بىرىككەن ۇلتتار ۇيىمى ساراپشىلارىنىڭ باعالاۋى بويىنشا، جۇڭگو حالقىنىڭ سانى 2022 جىلى 1،426 ميللياردتى قۇراپ، ازايا باستاعان.
ساراپشىلار جۇڭگو حالقى وسى عاسىردىڭ سوڭىنا دەيىن 1 ميللياردتان تومەن ءتۇسۋى مۇمكىن دەپ بولجاپ وتىر. كەرىسىنشە، ءۇندىستان حالقىنىڭ سانى الداعى بىرنەشە ونجىلدىقتا وسە بەرەدى دەپ كۇتىلۋدە.