ىنتىماقتاستىقتىڭ بارلىق باسىم باعىتتارى بويىنشا ەكىجاقتى بايلانىس نىعايتىلماق
قازاقستان مەن رەسەي ىنتىماقتاستىقتىڭ بارلىق باسىم باعىتتارى بويىنشا ەكىجاقتى بايلانىستاردى نىعايتۋعا دايىن. بۇل تۋرالى پرەمەر-مينيستر ءاليحان سمايىلوۆتىڭ رەسەي فەدەراسياسى ۇكىمەتىنىڭ ءتوراعاسى ميحايل ميشۋستينمەن كەزدەسۋىندە ايتىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«ماسكەۋدە ەكىنشى كاسپيي ەكونوميكالىق فورۋمى اياسىندا قازاقستان رەسپۋبليكاسىنىڭ پرەمەر-مينيسترى ءاليحان سمايىلوۆ رەسەي فەدەراسياسى ۇكىمەتىنىڭ ءتوراعاسى ميحايل ميشۋستينمەن كەزدەستى.
تاراپتار ساۋدا-ەكونوميكالىق ىنتىماقتاستىقتى دامىتۋدىڭ جاي-كۇيىن، ونەركاسىپ جانە مۇناي-گاز سالالارىنداعى ءوزارا ءىس-قيمىلدى تالقىلادى، سونداي-اق وڭىرلىك كۇن تارتىبىندەگى وزەكتى ماسەلەلەر بويىنشا پىكىر الماستى.
كەلىسسوز قورىتىندىسى بويىنشا ۇكىمەت باسشىلارى ىنتىماقتاستىقتىڭ بارلىق باسىم باعىتتارى بويىنشا ەكىجاقتى بايلانىستاردى نىعايتۋعا دايىن ەكەندىكتەرىن ايتتى»، - دەلىنگەن حابارلامادا.