ءبىرتانوۆ وعان تاعىلعان ايىپتى راستايتىن فاكتىلەردىڭ جوقتىعىن ايتۋدا
استانادا قازاقستاننىڭ بۇرىنعى دەنساۋلىق ساقتاۋ ءمينيسترى ەلجان ءبىرتانوۆ جانە ونىڭ بۇرىنعى ورىنباسارى ولجاس ابىشيەۆكە قاتىستى سوت پروسەسى جالعاسىپ جاتىر، دەپ حابارلايدى Almaty-akshamy.kz Inform.kz-كە سىلتەمە جاساپ.
ەكس-مينيستر مەن ونىڭ بۇرىنعى ورىنباسارىنا قاتىستى قىلمىستىق ءىس استانا قالاسى سارىارقا اۋداندىق №2 سوتىندا قارالىپ جاتىر.
سوت وتىرىسى بارىسىندا ەلجان ءبىرتانوۆ كەزىندە ورىنباسارى بولعان ولجاس ابىشيەۆپەن اراداعى ءبىرقاتار جەكە جانە قىزمەتتىك جازبانى وقىپ بەردى.
ونىڭ ايتۋىنشا، اتالعان جازبالار اقپاراتتاندىرۋ پلاتفورماسىن ەنگىزۋگە قاتىستى وبەكتيۆتى پروبلەمالارعا قاراماستان، جۇمىستىڭ تىڭعىلىقتى جۇرگەنىن دالەلدەيدى.
«ەشقانداي جۇمىس جۇرمەسە، ءبىز بەكەرگە پيار جاساماس ەدىك. بارلىق حابارلاما مەن دوكلادتاردا پلاتفورمانى ەنگىزۋ جۇمىسىنىڭ اياقتالۋعا جاقىن ەكەندىگى جانە ونىڭ 2018 جىلدىڭ 7 جەلتوقسانىندا قابىلداناتىنى تۋرالى ايتىلادى»، - دەدى ەلجان ءبىرتانوۆ سوت الدىندا.
سونداي-اق دەنساۋلىق ساقتاۋ مينيسترلىگىنىڭ بۇرىنعى باسشىسى وعان تاعىلعان ايىپتاۋلاردى راستايتىن فاكتىلەردىڭ جوقتىعىن ايتتى.