مەملەكەت باسشىسىنىڭ جارلىعىمەن ءاليحان اسحان ۇلى سمايىلوۆ قازاقستان رەسپۋبليكاسىنىڭ پرەمەر-مينيسترى لاۋازىمىنا تاعايىندالدى.
بۇعان دەيىن پرەزيدەنت قاسىم-جومارت توقايەۆ قازاقستان رەسپۋبليكاسى پارلامەنتى ماجىلىسىندەگى ساياسي پارتيالار فراكسيالارىنىڭ جەتەكشىلەرىمەن كەڭەس وتكىزدى، دەپ حابارلايدى اlmaty-akshamy.kz اقورداعا سىلتەمە جاساپ.
كەزدەسۋدە مەملەكەت باسشىسى، كونستيتۋسيانىڭ 44-بابىنا سايكەس، پرەمەر-مينيستر لاۋازىمىنا ۇسىنىلاتىن كانديداتۋرا جونىندە فراكسيا باسشىلارىمەن كەڭەسۋى ءتيىس ەكەنىن ايتتى. تالقىلاۋعا «Amanat» پارتياسى فراكسياسىنىڭ جەتەكشىسى ەلنۇر بەيسەنبايەۆ، «اۋىل» پارتياسى فراكسياسىنىڭ جەتەكشىسى اناس باققوجايەۆ، «اق جول» پارتياسى فراكسياسىنىڭ جەتەكشىسى ازات پەرۋاشيەۆ، «Respublica» پارتياسى فراكسياسىنىڭ جەتەكشىسى ايداربەك حودجانازاروۆ، قازاقستان حالىق پارتياسى فراكسياسىنىڭ جەتەكشىسى ماگەررام ماگەرراموۆ، جالپىۇلتتىق سوسيال-دەموكراتيالىق پارتياسى فراكسياسىنىڭ جەتەكشىسى اسحات راقىمجانوۆ قاتىستى.