الماتىدا بيزنەس يەلەرىنىڭ قاتارى ارتىپ كەلەدى

قالالىق كاسىپكەرلەر پالاتاسى بەرگەن مالىمەتكە سۇيەنسەك، بۇگىندە 364 مىڭنان استام ادام ءوز ءىسىن دوڭگەلەتىپ وتىر.

اسىرەسە، شاعىن جانە ورتا بيزنەسكە مىقتاپ كوڭىل بولىنۋدە. وتكەن جىلى وسى سالانىڭ وكىلدەرىن قولداۋعا مەملەكەتتىك جانە وڭىرلىك باعدارلامالار شەڭبەرىندە 48 ملرد تەڭگەدەن استام قاراجات ءبولىندى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.

بيىل دا بۇل باعىتتاعى جۇمىستار جالعاسىن تاپپاق. ويتكەنى، مەملەكەتتىڭ دامۋىنا ىقپال ەتە الاتىنداي، جاۋاپكەرشىلىكتەن قورىقپايتىن كاسىپكەرلەردىڭ جاڭا تولقىنىن قالىپتاستىرۋ كەرەك. بۇل تۋرالى پرەزيدەنت قاسىم-جومارت توقايەۆ كۇنى كەشە پارلامەنت پالاتالارىنىڭ بىرلەسكەن وتىرىسىندا ايتقان ەدى. شاعىن ورتا بيزنەس وكىلدەرى مەملەكەت باسشىسىنىڭ بۇل پىكىرىمەن تولىقتاي كەلىسەدى. ولاردىڭ ايتۋىنشا، كاسىركەرلەردى قولداۋ مەحانيزمدەرىن ءالى دە جەتىلدىرە ءتۇسۋ قاجەت.

«پرەزيدەنتىمىز ناقتى ءدال ايتىپ وتىر. ەل بولامىز دەسەك وسى كاسىپتى بىرىگىپ كوتەرۋ كەرەكپىز، ءونۋ كەرەكپىز. مەن ءقازىر شاعىن عانا كاسىپكەرمىن. ماعان ءوسىپ-ونۋ ءۇشىن، قوندىرعىلار الۋ ءۇشىن، جاقسى جۇمىسشىلارمەن جۇمىس ىستەۋ ءۇشىن قاراجات قاجەت. ۇكىمەت بىزگە ەكى پايىزبەن قاراجات بەرسە ەكەن دەيمىن. ەگەر بەرىپ جاتسا، ءوندىرىسىمىزدى كەڭەيتىپ، شىعارعان زاتتارىمىزدى كوبەيتەتىن ەدىك»، - دەيدى كاسىپكەر ساندۋعاش ەسەنبەكوۆا.