سمايىلوۆ مينيسترلەر مەن اكىمدەرگە ءوزارا تىعىز بايلانىس ورناتىپ، ءاربىر ماسەلەنى بىرگە شەشۋ كەرەك ەكەنىن ايتتى.
پرەمەر-مينيستر ءاليحان سمايىلوۆ پرەزيدەنت قاسىم-جومارت توقايەۆتىڭ سىنىنان كەيىن مينيسترلەر كابينەتى مۇشەلەرىنە ۇندەۋ جاسادى، - دەپ حابارلايدى Almaty-akshamy.kz
«پرەزيدەنت بەرگەن تاپسىرمالاردى ناتيجەلى ورىنداۋ كەرەك. پرەزيدەنتتىڭ ءبىزدىڭ جۇمىسىمىزعا قاتىستى كەشە ايتىلعان سىنى وتە ماڭىزدى ەكەنىن اتاپ وتكىم كەلەدى. بارلىق مەملەكەتتىك ورگان، اكىمدىكتەر مەن كۆازيمەملەكەتتىك سەكتور بەلسەندىلىگىن ارتتىرۋى قاجەت. ءبىرىنشى باسشىلار پرەزيدەنت تاپسىرمالارىنىڭ ورىندالۋىن جەكە باقىلاۋعا الۋى كەرەك. جوبالار مەن باعدارلامانىڭ ءبارى وڭىرلەردە جۇزەگە اسىرىلادى. ولار حالىقتىڭ ءال-اۋقاتىنا تىكەلەي اسەر ەتەدى. سوندىقتان، ۇكىمەت پەن اكىمدىكتەر ءوزارا تىعىز بايلانىس ورناتىپ، ءاربىر ماسەلەنى بىرلەسىپ شەشۋى كەرەك»، - دەدى پرەمەر-مينيستر.
سمايىلوۆ مينيسترلەر مەن اكىمدەرگە ءوزارا تىعىز بايلانىس ورناتىپ، ءاربىر ماسەلەنى بىرگە شەشۋ كەرەك ەكەنىن ايتتى.
«جالپى، ۇكىمەت جۇمىسىنىڭ ناتيجەلى بولۋى ءارقايسىمىزدىڭ ءتيىمدى جۇمىس ىستەۋىمىزگە بايلانىستى. ەل ەكونوميكاسىنىڭ دامۋى، ازاماتتاردىڭ تۇرمىس ساپاسىنىڭ جاقسارعانىن سەزىنۋى ءۇشىن جوسپارلانعان جۇمىستى بىرلەسىپ جۇزەگە اسىرۋعا كۇش سالۋىمىز كەرەك»، - دەدى ول.