مادەني-گۋمانيتارلىق باعىتتاعى ورتاق باستامالاردى جۇزەگە اسىرۋ جايى تالقىلاندى
تەگەراندا قازاقستان رەسپۋبليكاسىنىڭ پرەمەر-مينيسترى ءاليحان سمايىلوۆ پەن يران يسلام رەسپۋبليكاسىنىڭ پرەزيدەنتى يبراحيم ءرايسيدىڭ كەزدەسۋى ءوتتى، دەپ حابارلايدى Almaty-akshamy.kz.
كەزدەسۋ بارىسىندا ءاليحان سمايىلوۆ مەملەكەت باسشىسى قاسىم-جومارت توقايەۆتىڭ سالەمىن جەتكىزىپ، قازاقستان-يران قارىم-قاتىناستارىن دامىتۋ ماسەلەسى ەلىمىزدىڭ كۇن تارتىبىندە ەرەكشە ورىن الاتىنىن اتاپ ءوتتى.
«ءقازىر ەكى ەلدىڭ ۇكىمەتتەرى جوعارى دەڭگەيدە العا قويىلعان مىندەتتەردى ناقتى جۇزەگە اسىرۋ بويىنشا بەلسەندى جۇمىس جۇرگىزىپ جاتىر. بيىلعى جىل ەكىجاقتى جانە كوپجاقتى فورماتتاعى ىنتىماقتاستىعىمىزدىڭ جوعارى ناتيجەلەرىمەن ەرەكشەلەنەتىنىنە سەنىمدىمىن»، — دەدى پرەمەر-مينيستر.
اتاپ ايتقاندا، بيىل تەگەراندا اۋىل شارۋاشىلىعى بويىنشا قازاقستان-يران جۇمىس توبىنىڭ ءبىرىنشى وتىرىسىن وتكىزۋ جوسپارلانعان. بۇل ەكى ەل اراسىنداعى اوك سالاسىنداعى ىنتىماقتاستىقتى دامىتۋعا قوسىمشا سەرپىن بەرمەك. سونىمەن قاتار ساۋدا باعىتىنداعى جۇمىستى كۇشەيتۋ ماقساتىندا قازاقستاننىڭ يرانداعى ارنايى ساۋدا وكىلىن تاعايىنداۋ تۋرالى شەشىم قابىلداندى.
تاراپتار ساۋدا-ەكونوميكالىق، ينۆەستيسيالىق جانە شەكارا ماڭى ىنتىماقتاستىعىن دامىتۋداعى وزەكتى ماسەلەلەردى، سونداي-اق مادەني-گۋمانيتارلىق باعىتتاعى ورتاق باستامالاردى جۇزەگە اسىرۋ جايىن تالقىلادى.