جەتىسۋ وبلىسىندا جولعا قويىلعان كامەرا ءۇش ايدا 345 ملن تەڭگەنىڭ ايىپپۇلىن تىركەدى
جەتىسۋ وبلىسىندا «Vidar» كامەراسى ءۇش ايدا 345 ملن تەڭگەنىڭ ايىپپۇلىن تىركەدى، دەپ حابارلايدى Almaty-akshamy.kz.
تالدىقورعان قالاسى ماڭىنداعى جانە وبلىس ورتالىعىنداعى 8 بەكەتتەگى 18 بەينەكامەرا جول ەرەجەسىن بۇزعان كولىكتەردى جاپپاي تىركەپ جاتىر.
«بيىلعى جىلدىڭ ءى توقسانىندا جۇرگىزىلگەن تالداۋعا سايكەس، «VIDAR» كامەرالارى 14814 زاڭ بۇزۋشىلىقتى تىركەدى. وسى بۇزۋشىلىقتارعا جول بەرگەن اۆتوكولىك قۇرالدارىنىڭ جۇرگىزۋشىلەرىنە جالپى سوماسى 345 278010 تەڭگەگە ايىپپۇل سالىنىپ، 260 ملن-نان استامى ءوندىرىلدى»،- دەلىنگەن جەتىسۋ وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.
جەتىسۋ وبلىسىنىڭ پوليسياسى جۇرگىزۋشىلەرگە اقپاراتتى نازارعا الۋعا جانە ق ر جول ەرەجەلەرىن قاتاڭ ساقتاۋعا شاقىرادى. قوسىمشا بەكەتتەر جاياۋ جۇرگىنشىلەر وتكەلدەرىندە جانە جولداردىڭ ءقاۋىپتى ۋچاسكەلەرىندە جۇمىس ىستەپ تۇر.