ەندى اۆتوكونسترۋكتورلاردى تىركەۋ باستالادى
ىشكى ىستەر مينيسترلىگى 2022 جىلدىڭ 1 قىركۇيەگىنە دەيىن ەلگە اكەلىنگەن شەتەلدىك اۆتوكولىكتەردى زاڭداستىرۋدى جالعاستىرىپ جاتىر، دەپ حابارلايدى Polisia.kz.
– 23 قاڭتاردان باستاپ بۇگىنگى كۇنگە دەيىن الدىن الا ونلاين تەكسەرۋدەن ءوتىپ، 200 مىڭعا جۋىق اۆتوكولىك يەسىنىڭ ءوتىنىشى ماقۇلدانىپ، ونىڭ ىشىندە 100 مىڭنان استام كولىك قۇرالى زاڭداستىرىلدى. سونىمەن قاتار قازىرگى ۋاقىتتا ىشكى ىستەر مينيسترلىگى قوسالقى بولشەكتەر رەتىندە اكەلىنگەن اۆتوكولىكتەردى زاڭداستىرۋ شارتتارىن ايقىندايتىن ۇكىمەت قاۋلىسىنىڭ جوباسىن ازىرلەدى. جوبا ۇكىمەتتىڭ قاراۋىنا ەنگىزىلىپ، وعان كەلەسى اپتادا قول قويىلادى دەپ كۇتىلىپ وتىر. ۇكىمەت قاۋلىسىنا قول قويىلعاننان كەيىن ءبىرىنشى رەسمي جاريالانعان كۇنىنەن باستاپ 10 كۇن وتكەندە ول قولدانىسقا ەنگىزىلىپ، سودان كەيىن ءبىز اۆتوكونسترۋكتورلاردى تىركەۋگە الۋعا كىرىسەمىز، – دەيدى ق ر ءىىم اكىمشىلىك پوليسيا كوميتەتىنىڭ ءتوراعاسى قايسار سۇلتانبايەۆ.