بيىل كەم دەگەندە 24،4 ملرد دوللار شەتەلدىك ينۆەستيسيا تارتۋ قاجەت. بۇل تۋرالى بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ ايتتى، دەپ حابارلايدى اlmaty-akshamy.kz.
«بيىل ءبىز ەڭ كەمى 4 پايىز ەكونوميكالىق ءوسىمدى قامتاماسىز ەتۋ ءۇشىن ءبارىمىز ۇيلەسىمدى ءارى ءتيىمدى جۇمىس جۇرگىزۋىمىز كەرەك. ەكونوميكا سالالارىن دامىتۋدا ءبىرىنشى كەزەكتە ىشكى نارىقتى وتاندىق تاۋارلارمەن تولىقتىرۋعا باسىمدىق بەرىلۋى ءتيىس. حالىقتىڭ ءال-اۋقاتى ەڭ الدىمەن تۇراقتى وسىمگە بايلانىستى. سوندىقتان، ەكونوميكانى ودان ءارى ءارتاراپتاندىرۋعا جانە تۇراقتى جۇمىس ورىندارىن قۇرۋعا باعىتتالعان جۇمىستاردى جانداندىرۋ كەرەك»، - دەدى ۇكىمەت باسشىسى.
وسى رەتتە ءاليحان سمايىلوۆ مينيسترلىكتەر مەن ءوڭىر اكىمدىكتەرى ينۆەستيسيا تارتۋ جانە ينۆەستيسيالىق جوبالاردى سۇيەمەلدەۋ جۇمىستارىن كۇشەيتۋى ءتيىس ەكەندىگىن باسا ايتتى.
«ءار ينۆەستورمەن جۇمىس ىستەپ، ءارقايسىسىنا بولەك جاعداي جاساپ، قارسى مىندەتتەمەلەر بەلگىلەۋ قاجەت. ءبىز ءار جوبانىڭ ەكونوميكالىق ناتيجەسىن كورۋىمىز كەرەك. بيىل كەم دەگەندە 24،4 ملرد دوللار شەتەلدىك ينۆەستيسيا تارتۋ قاجەت»، - دەدى ءاليحان سمپايىلوۆ.