5000-نان استام الماتى تۇرعىندارى مەملەكەتتىك جانە شەتەل تىلدەرىن تەگىن ۇيرەنۋگە باعىتتالعان «تىلدەر پاركى» الەۋمەتتىك جوباسىنا قاتىسىپ جاتىر، دەپ حابارلايدى aqshamnews.kz
جوبا الماتى قالاسىنىڭ جاستار ساياساتى باسقارماسىنىڭ قولداۋىمەن جۇزەگە اسىرىلىپ، قالانىڭ بارلىق اۋدانىن قامتيدى. ونىڭ باستى ەرەكشەلىگى – كۋرستاردىڭ اشىق اسپان استىندا وتكىزىلۋى. جوبا اياسىندا سونداي-اق، سويلەسۋ كلۋبتارى مەن تىلدىك الماسۋ ۇيىمداستىرىلىپ، قاتىسۋشىلاردىڭ العان ءبىلىمىن تاجىريبەدە قولدانۋىنا جانە سويلەۋ داعدىسىن جاقسارتۋعا ىقپال ەتەدى.
مۇندا قازاق، اعىلشىن، جۇڭگو، كورەي، جاپون، فرانسۋز، تۇرىك جانە ورىس تىلدەرى بويىنشا كۋرستار ۇسىنىلادى. ساباق جازعى ماۋسىمدا اپتاسىنا 3 رەت وتكىزىلىپ، 6-دان 60 جاسقا دەيىنگى بارلىق جاستاعى قاتىسۋشىعا ارنالعان. كۋرستى اياقتاعان سوڭ سەرتيفيكات بەرىلەدى.
قىركۇيەك ايىنىڭ ورتاسىنان باستاپ كۇزگى-قىسقى كەزەڭگە وتۋگە بايلانىستى تىلدەردى وقىتۋ كوميۋنيتي ورتالىقتاردىڭ عيماراتتارىندا جالعاسۋدا. كەستەنى اۋدانىڭىزداعى كوميۋنيتي-ورتالىقتان نەمەسە Call-ورتالىقتىڭ +7 747 821 6478 ءنومىرى ارقىلى بىلۋگە بولادى.