الماتىدا العىس ايتۋ كۇنىنە وراي كونسەرت ءوتتى
اباي اتىنداعى قازاق ۇلتتىق وپەرا جانە بالەت تەاترىندا «العىسىم ساعان، قازاقستان!» اتتى العىس ايتۋ كۇنىنە وراي كونسەرت ءوتتى. كوكتەمنىڭ العاشقى جايماشۋاق كۇنى الاتاۋدىڭ باۋرايىنداعى اسەم قالا ءان مەن جىرعا بولەندى.
الماتى قالاسى مادەنيەت باسقارماسى ۇيىمداستىرعان ءىس-شارانىڭ جۇرگىزۋشىلەرى – ماييا ۆەرونسكايا جانە يلياس يبرايموۆ. كونسەرتتە كوپۇلتتى ارتيستەر قۇرامى جانە ەسترادا جۇلدىزدارى وتان، بىرلىك جانە ۇلتتىق قۇندىلىقتار تۋرالى اندەرىن ورىندادى. كەش شىمىلدىعىن «راحمەت ساعان، تۋعان ەل!» ءانى نەگىزىندە قۇراستىرىلعان تەاترلاندىرىلعان مۋزىكالىق قويىلىم اشتى. پرولوگىندا رومان كيم، Muzart Life، «جاس ساحنا» تەاترىنىڭ اكتەرلەرى جانە بالالار حورى ونەر كورسەتتى. سونىمەن قاتار، بۇركىت پەن ايشا، بەيبىت قوشقالييەۆ، «دەرۆيشي»، «101»، «Urker»، «سيتورا نازاروۆا»، «ورىSTAR Show» جانە تاعى دا باسقا توپتار ءان شىرقاپ، كورەرمەننىڭ كوڭىلىن كوتەردى. «جاس ساحنا» تەاترى ارتيستەرىنىڭ قاتىسۋىمەن مەرەكەنىڭ نەگىزگى ماعىناسىن اشاتىن «بىرلىگىمىز – بايلىعىمىز» اتتى مينياتيۋرا ۇسىنىلدى.
مەرەكەلىك كونسەرتتىڭ سوڭىندا بەيبىت قوشكالييەۆ «ەلىم دەپ سوقسىن جۇرەگىڭ» اتتى ءانىن ورىندادى.
قازاقستانداعى العىس ايتۋ كۇنى – قازاقستان حالقىنىڭ ءوزارا كومەگى مەن بىرلىگىنىڭ بەينەسى. بۇل كۇنى الماتى قالاسىنىڭ تۇرعىندارى مەن قوناقتارى شىعارماشىلىق كەشتەردى، كونسەرتتەر مەن تەاترلاندىرىلعان قويىلىمداردى، مەرەكەلىك جانە مادەني ءىس-شارالاردى تاماشالاپ، ءبىر سەرپىلىپ قالدى.
