الماتىدا قازاقستان حالقى اسسامبلەياسىنىڭ 30 جىلدىعى مەن العىس ايتۋ كۇنىنە ارنالعان مەرەكەلىك كونسەرت ءوتتى، دەپ حابارلايدى aqshamnews.kz
«الاتاۋ» ءداستۇرلى ونەر تەاترىندا العىس ايتۋ كۇنى مەن قازاقستان حالقى اسسامبلەياسىنىڭ 30 جىلدىعىنا ارنالعان «العىسىم ساعان، قازاقستان!» اتتى كونسەرت ءوتتى. بۇل كۇنى الماتىلىقتار مەن قالا قوناقتارى مۋزىكا، بي جانە پوەزيانى توعىستىرعان جارقىنمەرەكەلىك باعدارلامانىڭ كۋاسى بولدى.
ءىس-شارا بارىسىندا الماتى قالاسىنىڭ اكىمى اتىنان قازاقستان حالقى اسسامبلەياسىنىڭ وكىلدەرى جانە ەتنومادەني بىرلەستىك باسشىلارى مادەنيەت، ءبىلىم سالاسىندا، جالپى قوعامنىڭ دامۋىنا قوسقان ەلەۋلى ۇلەسى ءۇشىن العىس حاتتارمەن ماراپاتتالدى.
كونسەرتتىك باعدارلامادا تانىمال ارتيستەر مەن شىعارماشىلىق ۇجىمداردىڭ ونەر كورسەتتى. قازاقستان حالقىنىڭ ءبىر شاڭىراق استىندا بىرلىگىن بەينەلەيتىن «قازاقستان – ورتاق ءۇيىمىز» حورەوگرافيالىق كومپوزيسياسىن ق ر مەملەكەتتىك «سالتانات» بي ءانسامبلى ورىندادى. م.اۋەزوۆ اتىنداعى قازاق ۇلتتىق دراما تەاترىنىڭ ارتيستەرى قالقامان ءساريننىڭ شىعارماسى نەگىزىندە «العىس» پوەتيكالىق قويىلىمىن ۇسىندى. مۋزىكالىق بولىمدە رومان كيم «ۇلى دالا» ءانىن، «ۇلىتاۋ» ەتنو-روك توبى «ياپۋراي-اي» جانە «سارىارقا» كومپوزيسيالارىن، ولەگ تاتاميروۆ «بلاگوداريۋ تەبيا» ءانىن، «KeشYOU» توبى «تۋعان جەر» جانە «ريزامىن» اندەرىن، پارۆيز نازاروۆ «ديدور» ءانىن ورىندادى.
دارىگەرلەر، مۇعالىمدەر جانە باسقا دا كاسىپ يەلەرىنىڭ ەڭبەگى يگور بلاگودارنىي، گاۋحار يبراگيم جانە دينارا قىرىقبايەۆانىڭ «رازگوۆور دۆۋح ۆراچەي» جانە «ۇستازىم» كومپوزيسيالارىندا كورىنىس تاپتى. سونداي-اق، «IL Canto» كۆارتەتى «كۇشتى ادامدار» تۋىندىسىمەن، «دەرۆيشي» توبى «بايرام» جانە «گۇل الماتى» اندەرىمەن كوپشىلىكتى ءتانتى ەتتى.
كونسەرت ءبىرجان حاسانعالييەۆ، تولەگەن راحىمبايەۆ، يسلام حامزايەۆ، شاحزودا سانا، بەكزات ءابيتوۆ جانە ولجاس جۇباتقانوۆتىڭ ورىنداۋىنداعى «اتامەكەن» انىمەن اياقتالدى.
بۇل ءىس-شارا شىنايى ريزاشىلىق، ۇيلەسىم مەن بىرلىكتىڭ مەرەكەسىنە اينالىپ، قوعامداعى ءوزارا تۇسىنىستىك پەن قۇرمەتتىڭ ماڭىزدىلىعىن ەسكە سالدى.