مال وسىرۋشىلەر مەرەكەسى تاۋەلسىزدىكتىڭ 30 جىلدىعىنا جانە ەكى دۇركىن سوسياليستىك ەڭبەك ەرى جازىلبەك قۋانىشبايەۆتىڭ تۋعانىنا 125 جىل تولۋىنا وراي وتكىزىلمەك.
2021 جىلعى 27 قازاندا جامبىل وبلىسىندا ەلىمىزدىڭ بارلىق وبلىستارىنان جەتەكشى مامانداردىڭ قاتىسۋىمەن قازاقستان مال وسىرۋشىلەرىنىڭ العاشقى رەسپۋبليكالىق سلەتى وتەدى، دەپ حابارلايدى Almaty-akshamy.kz ق ر اۋىل شارۋاشىلىعى مينيسترلگىنىڭ باسپا ءسوز قىزمەتىنە سىلتەمە جاساپ.
ءىس-شارا اياسىندا اۋىل شارۋاشىلىعى ءمينيسترى، وبلىس اكىمى، بيزنەس پەن ازاماتتىق قوعام وكىلدەرى قاتىسادى دەپ جوسپارلانىپ وتىر.
ج. قۋانىشبايەۆ بارەلەفىنە گۇل شوقتارىن قويۋ، ونىڭ ەسىمى بەرىلگەن كوشەنىڭ لەنتاسىن قيۋ سالتاناتى جانە م.ح. دۋلاتي اتىنداعى تاراز وڭىرلىك ۋنيۆەرسيتەتىندە ج. قۋانىشبايەۆ اتىنداعى ءبىرىنشى رەسپۋبليكالىق عىلىمي-پراكتيكالىق كونفەرەنسيا وتكىزۋ جوسپارلانعان.
سونداي-اق قازاقستان مال وسىرۋشىلەرىنىڭ سلەتى كەزىندە مال شارۋاشىلىعىن دامىتۋ ماسەلەلەرىنىڭ كەڭ سپەكترىن جانە اگروونەركاسىپتىك كەشەندى دامىتۋدىڭ وزەكتى ماسەلەلەرىن، قازاقستان رەسپۋبليكاسىنىڭ اگروونەركاسىپتىك كەشەنىن دامىتۋ جونىندەگى 2021-2025 جىلدارعا ارنالعان ۇلتتىق جوبانى ىسكە اسىرۋ تەتىكتەرىن تالقىلاۋ كوزدەلگەن. سونداي-اق، كاسىبي قىزمەتتەگى جوعارى جەتىستىكتەرى ءۇشىن قۇرمەت گراموتالارىن تاپسىرۋ ءراسىمى وتەدى.
ءىس-شارا 2021 جىلدىڭ 27 قازانىندا ساعات 09.00-دە جامبىل وبلىسى اكىمدىگى عيماراتىنىڭ جانىندا باستالادى.