زاڭ جوباسىنىڭ ماقساتى – حالىقتىڭ دەنساۋلىعى مەن ەلدىڭ ۇلتتىق قاۋىپسىزدىگىنىڭ قورعالۋ دەڭگەيىن ارتتىرۋ، بيولوگيالىق قاتەرلەرگە ۋاقتىلى دەن قويۋ.
زاڭ جوباسى ق ر پرەزيدەنتىنىڭ تاپسىرمالارى اياسىندا ازىرلەندى جانە قازاقستاندا اسا ءقاۋىپتى ينفەكسيالاردىڭ تارالۋىنا قارسى ءىس-قيمىلعا باعىتتالعان، دەپ حابارلايدى Almaty-akshamy.kz
قاسىم-جومارت توقايەۆ سovid-19 پاندەمياسىنا بايلانىستى جاعدايدى ەسكەرە وتىرىپ، بيولوگيالىق قاۋىپسىزدىكتى قامتاماسىز ەتۋ ماسەلەسىن زاڭنامالىق رەتتەۋدىڭ ماڭىزدىلىعىن اتاپ ءوتتى. قازىرگى ۋاقىتتا زاڭ جوباسى پارلامەنتتىڭ تومەنگى پالاتاسى دەپۋتاتتارىنىڭ قاراۋىندا.
بۇل تۋرالى حابارلاعان سانيتارلىق-ەپيدەميولوگيالىق باقىلاۋ كوميتەتىنىڭ مالىمەتىنشە، دەرەكتەردى ەسەپكە الۋدىڭ ءبىرىڭعاي جۇيەسىن قۇرۋ تاۋەكەلدەردى باعالاۋ جانە مەملەكەتتىك باقىلاۋ سۋبەكتىلەرىن ىرىكتەۋ جۇيەسىن قوسا العاندا، بيوقاۋىپسىزدىك سالاسىنداعى ەسەپتىك جانە ەسەپكە الۋ اقپاراتىن اۆتوماتتاندىرۋعا مۇمكىندىك بەرەدى.
قۇجاتتىڭ نەگىزگى ازىرلەۋشىسى – ق ر دەنساۋلىق ساقتاۋ مينيسترلىگى. وندا كەلەسى ماسەلەلەردىڭ شەشىمى كورسەتىلگەن: قوعامدىق دەنساۋلىق ساقتاۋ، ەكولوگيا، ۆەتەريناريا، فيتوسانيتاريا سالاسىنداعى جانە شەكتەس سالالارداعى زاڭنامانى شوعىرلاندىرۋ جانە بىرىزدەندىرۋ؛ بيولوگيالىق اگەنتتەرمەن جۇمىس ىستەۋ سالاسىنداعى باقىلاۋ جانە رۇقسات بەرۋ راسىمدەرى بويىنشا قولدانىستاعى نورمالاردى جۇيەلەۋ جانە جاڭارتۋ؛ مەملەكەتتىك رەتتەۋ شارالارىن ەنگىزۋ، وكىلەتتىكتەردى ءبولۋ جانە مەملەكەتتىك پەن جەكە ۇيىمداردىڭ ءوزارا ءىس-قيمىلى؛ بيولوگيالىق قاۋىپ-قاتەرلەردى ەسەپكە الۋ جانە ەسەپتىلىك، مونيتورينگ جانە باعالاۋ تەتىكتەرىن جەتىلدىرۋ؛ 1-2 پاتوگەندى توپتاردىڭ بيولوگيالىق اگەنتتەرىمەن (پتر-تەست) جۇمىس ىستەيتىن زەرتحانالارعا قويىلاتىن تالاپتاردى كۇشەيتۋ. «بيولوگيالىق قاۋىپسىزدىك تۋرالى» زاڭ جوباسى 10 زاڭعا جانە 3 كودەكسكە وزگەرىستەر ەنگىزۋدى قاراستىرادى. ءاربىر بەيىندى مەملەكەتتىك ورگاندا جانە الەۋەتتى ءقاۋىپتى بيولوگيالىق وبەكتىلەردە بيولوگيالىق قاتەرلەردى باسقارۋ جۇيەسىن ەنگىزۋ ينفەكسيالىق اۋرۋلاردىڭ ءقاۋىپتى قوزدىرعىشتارىمەن قىزمەتتى تولىققاندى ەسەپكە الۋدى جانە باقىلاۋدى قامتاماسىز ەتۋگە مۇمكىندىك بەرەدى.