بۇل حالقىنىڭ 76% كوروناۆيرۋس ۆاكسيناسىن تولىقتاي سالدىرعان قىتايداعى جاعداي.
قىتايدىڭ كەيبىر وڭىرلەرىندە 3 پەن 11 جاس ارالىعىنداعى بالالارعا كوروناۆيرۋسقا قارسى ەكپە سالىنا باستادى، دەپ حابارلايدى Almaty-akshamy.kz
ەل بيلىگى ينفەكسيانىڭ ورشۋىنە قارسى باسقا ساياسات ۇستانا الار ەمەس. بۇگىندە جۇڭگو حالقىنىڭ 76% كوروناۆيرۋس ۆاكسيناسىن تولىقتاي سالدىرعان.
بۇل ماقساتتا يناكتيۆتى ءۇش قىتايلىق ۆاكسينا قولدانىلىپ كەلەدى. ولاردىڭ بارلىعى ءتيىستى سىناقتان ءوتىپ، ماۋسىم ايىندا ۇكىمەت پايدالانۋعا رۇقسات بەرگەن. ال شىلدە ايىنان باستاپ 12 جاستان اسقان وقۋشىلارعا ەكپە سالىنا باستادى.
قىركۇيەك ايىندا اۋرۋ جۇقتىرعانداردىڭ جارتىسىنان كوبى بالالار بولعان. ۆيرۋس تاراپ جاتقان قازىرگى جاعدايدا ۇكىمەت ۆاكسينالاۋ باعدارلاماسىنا جەتكىنشەكتەردى دە قوستى. پرەپارات قۇرامىنداعى زاتتارعا اللەرگياسى بار، جۇيكە جۇيەسى دەرتتەرىنە شالدىققان، سوزىلمالارى اۋرۋلارى اسقىنعان جانە دەنە قىزۋى جوعارى ادامدار ەكپە سالدىرۋدان بوساتىلادى.