پرەمەر-مينيستر ءاليحان سمايىلوۆ سەنات دەپۋتاتتارىنىڭ ساۋالىنا بەرگەن جاۋابىندا «العاشقى اسكەري جانە تەحنولوگيالىق دايىندىق» (ءااتد) ءپانىنىڭ اتاۋى وزگەرەتىنىن ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«قازىرگى كەزدە وقۋ-اعارتۋ مينيسترلىگى ءبىلىم الۋشىلاردا اسكەري ءىس نەگىزدەرى بويىنشا قاجەتتى ءبىلىمدى، ىسكەرلىكتى، توتەنشە جاعدايلاردا قاجەت داعدىلاردى يگەرۋدى قالىپتاستىرۋ ءۇشىن ءااتد ءپانىن «باستاپقى اسكەري دايىندىق» ءپانى دەپ وزگەرتۋ جۇمىستارىن جۇرگىزۋدە.
ى. التىنسارين اتىنداعى ۇلتتىق ءبىلىم اكادەمياسىنىڭ بازاسىندا قۇرامىندا پراكتيك-مۇعالىمدەر، جەتەكشى عالىمدار، ادىسكەرلەر قاتارىنان 300-گە جۋىق ازىرلەۋشى بار جۇمىس توپتارى قولدانىستاعى باعدارلامالاردى جەتىلدىرۋمەن اينالىسۋدا»، - دەپ جازىلعان جاۋاپتا.
سونىڭ ىشىندە ءااتد ءپانىنىڭ قولدانىستاعى باعدارلاماسى دا جەتىلدىرىلىپ جاتىر.
«وقۋ باعدارلامالارى جەتىلدىرىلگەننەن كەيىن ءااتد ءپانىن وقىتۋدىڭ كۇنتىزبەلىك-تاقىرىپتىق جوسپارىنىڭ مازمۇنى قايتا قارالاتىن بولادى»، - دەپ جازادى ۇكىمەت باسشىسى.