الەۋمەتتىك ساقتاندىرۋ جۇيەسىنە قانشا قازاقستاندىق قاتىساتىنى ايتىلدى

بۇل جۇيەگە 6،6 ملن جۇمىس ىستەيتىن ازامات قاتىسادى.

ماماندار قازاقستانداعى مىندەتتى الەۋمەتتىك ساقتاندىرۋ جۇيەسىنىڭ ارتىقشىلىقتارى تۋرالى ايتتى،دەپ حابارلايدى Almaty-akshamy.kz. 

مىندەتتى الەۋمەتتىك ساقتاندىرۋ جۇيەسىنە شامامەن 6،6 ملن جۇمىس ىستەيتىن ازامات قاتىسادى جانە 1،1 ملن استام ادام جىل بويى الەۋمەتتىك تولەمدەر الادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە «مەملەكەتتىك الەۋمەتتىك ساقتاندىرۋ قورى» اق  باس ديرەكتورى نۇرسۇلۋ كەمەل ايتتى، دەپ حابارلايدى Almaty-akshamy.kz.

قازاقستاندىقتار ءۇشىن مىندەتتى الەۋمەتتىك ساقتاندىرۋ جۇيەسىنىڭ ارتىقشىلىقتارى تۋرالى ايتا وتىرىپ، سپيكەر 2005 جىلدان باستاپ الەۋمەتتىك تاۋەكەلدەر تۋىنداعان كەزدە جۇمىس ىستەيتىن ازاماتتاردى الەۋمەتتىك قورعاۋدىڭ قوسىمشا دەڭگەيى رەتىندە الەۋمەتتىك ساقتاندىرۋ جۇيەسى ەنگىزىلگەنىن اتاپ ءوتتى. مىندەتتى الەۋمەتتىك ساقتاندىرۋ جۇيەسىنىڭ قارجى رەسۋرستارى جۇمىس بەرۋشىلەردىڭ جۇمىسكەرلەر ءۇشىن، سونداي-اق جەكە كاسىپكەرلەردىڭ جانە جەكە پراكتيكامەن اينالىساتىن ادامداردىڭ وزدەرى ءۇشىن تولەيتىن الەۋمەتتىك اۋدارىمدارى ەسەبىنەن قالىپتاسادى.

مىندەتتى الەۋمەتتىك ساقتاندىرۋ ىنتىماقتاستىق قاعيداتتارىنا نەگىزدەلگەن، ويتكەنى الەۋمەتتىك اۋدارىمدار بارلىق جۇمىس ىستەيتىن ازاماتتار ءۇشىن تولەنەدى، ال تولەمدەردى ەڭبەك ەتۋ قابىلەتىنەن ايىرىلۋ، اسىراۋشىسىنان ايىرىلۋ، جۇمىسىنان ايىرىلۋ، جۇكتىلىگى مەن بوسانۋىنا، سونداي-اق 1 جاسقا دەيىنگى بالانىڭ كۇتىمىنە بايلانىستى تابىسىنان ايىرىلۋ جاعدايلارىنا الەۋمەتتىك تاۋەكەلى بار ادامدار عانا الا الادى.