ناتيجەسىندە زاڭسىز اينالىمنان «مەفەدرون»،«الفا-PVP» جانە 659 تابلەتكا مدما تاركىلەندى.
ۇلتتىق قاۋىپسىزدىك كوميتەتى ارنايى وپەراسيا كەزىندە پسيحوتروپتى زاتتاردى ساتۋعا قاتىسى بار كۇدىكتىنى ۇستادى، دەپ حابارلايدى Almaty-akshamy.kz.
«26 شىلدەدە ۇقك نۇر-سۇلتان قالاسى بويىنشا دەپارتامەنتى اسا ءىرى كولەمدەگى پسيحوتروپتى زاتتاردى ساتۋعا قاتىسى بار كۇدىكتى «ا» ەسىمدى ەلوردالىق تۇرعىندى ۇستادى»،- دەلىنگەن ۇقك باسپا ءسوز قىزمەتىنىڭ حابارلاماسىندا.
پروسەسسۋالدىق ءىس-شارا بارىسىندا زاڭسىز اينالىمنان 1،5 كگ «مەفەدرون»، 1،4 كگ «الفا-PVP» جانە 659 تابلەتكا مدما («ەكستازي» دەپ ايتىلاتىن) تاركىلەندى.
تەرگەۋ ەسىرتكىنى استانامىزدىڭ ورتالىعىندا جالدامالى پاتەردە وراپ، ينتەرنەت ونلاين الاڭى ارقىلى تۇراقتى تۇردە ساتىلعانىن انىقتادى.
اتالعان فاكتى بويىنشا ق ر قك 297-بابى 3-بولىگى بويىنشا تەرگەۋ جۇرگىزىلۋدە، 15 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
ۇلتتىق قاۋىپسىزدىك كوميتەتى ەسىرتكى جانە پسيحوتروپتىق زاتتاردى زاڭسىز تاراتۋعا قارسى جۇمىستاردى جالعاستىرۋدا.