وقۋعا الماتى، شىعىس قازاقستان، قاراعاندى جانە تۇركىستان وبلىستارىنان، سونداي-اق الماتى جانە شىمكەنت قالالارىنان 104 مامان قاتىستى.
ءۇش كۇندىك ترەنينگتى ونلاين تۇردە 2 ۇلتتىق ساراپشى-جاتتىقتىرۋشى، قممۋ قاۋىمداستىرىلعان پروفەسسورلارى لاريسا ماسييەۆسكايا مەن اننا كناۋس وتكىزدى، دەپ حابارلايدى Almaty-akshamy.kz ق ر ەڭبەكمينىنىڭ باسپا ءسوز قىزمەتىنە سىلتەمە جاساپ.
ق ر ەڭبەك جانە حالىقتى الەۋمەتتىك قورعاۋ مينيسترلىگى جانە بۇۇ بالالار قورى (يۋنيسەف) الەۋمەتتىك قورعاۋ جانە دەنساۋلىق ساقتاۋ سالاسىنىڭ ماماندارىنا ايتۆ جانە باسقا دا سوزىلمالى اۋرۋلارمەن (بسسا، اۋتيزم، قانت ديابەتى) ءومىر سۇرەتىن بالالارى/جاسوسپىرىمدەرى بار وتباسىلارعا پسيحوالەۋمەتتىك سۇيەمەلدەۋ قىزمەتتەرىن كورسەتۋ بويىنشا ترەنينگ وتكىزدى.
«ترەنينگ ماقساتى – ايتۆ جانە باسقا دا سوزىلمالى اۋرۋلارى بار بالالار مەن جاسوسپىرىمدەرگە قاتىستى الدىن الۋ مەن ەمدەۋدىڭ زاماناۋي ستاندارتتارى مەن قاعيداتتارىن ەنگىزۋ. بۇگىنگى ءبىزدىڭ باستى مىندەتىمىز – جۇمىسپەن قامتۋ ورتالىقتارى، جيتس الدىن الۋ جانە وعان قارسى كۇرەس جونىندەگى ورتالىقتار، العاشقى مەديسينالىق-سانيتارلىق كومەك ۇيىمدارى ماماندارىنىڭ جانە بەلسەندى اتا-انالاردىڭ/قامقورشىلاردىڭ ايتۆ، قانت ديابەتى، بالالاردىڭ سەرەبرالدى سال اۋرۋى جانە اۋتيزممەن ءومىر سۇرەتىن بالالار مەن جاسوسپىرىمدەردى پسيحوالەۋمەتتىك قولداۋ ماسەلەلەرى بويىنشا جانە ولاردىڭ اتا-انالارىنىڭ/قامقورشىلارىنىڭ جانە ولاردىڭ اتا-انالارىنىڭ/قامقورشىلارىنىڭ بىلىمدەرىن كەڭەيتۋ جانە داعدىلارىن ارتتىرۋ»، - دەپ اتاپ ءوتتى ەڭبەكمينى جانە يۋنيسەف بىرلەسكەن جوباسى اياسىندا قۇرىلعان جوبالاۋ ورتالىعىنىڭ باسشىسى دانيار نۇرپەيىسوۆ.
وقىتۋ بارىسىندا جاتتىقتىرۋشىلار الەۋمەتتىك قورعاۋ جانە دەنساۋلىق ساقتاۋ جۇيەلەرىندەگى مامانداردى سوزىلمالى اۋرۋلارى بار بالالاردىڭ وزەكتى ماسەلەلەرىن انىقتاۋدىڭ بازالىق قاعيداتتارىنا جانە ولاردىڭ ءومىر ءسۇرۋ ساپاسىن ارتتىرۋ بويىنشا ىقپالداستىرىلعان تاسىلدەرگە ۇيرەتتى. بۇل ناتيجەگە قول جەتكىزۋ ءۇشىن پسيحوالەۋمەتتىك قولداۋدىڭ 10 ۇلتتىق ستاندارتى، سونىڭ ىشىندە كەيس-مەنەدجمەنت تەحنولوگياسى قولدانىلدى.
«ايتۆ جانە باسقا دا سوزىلمالى اۋرۋلارمەن ءومىر سۇرەتىن بالالار مەن جاسوسپىرىمدەردى تابىستى الەۋمەتتەندىرۋ – مەملەكەتتىڭ ماڭىزدى مىندەتى. بۇل باعىتتاعى جۇمىس وسى اۋرۋلاردان زارداپ شەگەتىن جاس قازاقستاندىقتاردىڭ ءومىر ءسۇرۋ ساپاسىن ارتتىرۋعا ىقپال ەتەدى، ولارعا قوعام ومىرىنە ىقپالداسۋعا مۇمكىندىك بەرەدى»، – دەپ اتاپ ءوتتى ەڭبەكمينى الەۋمەتتىك قىزمەتتەر ساياساتىن دامىتۋ دەپارتامەنتىنىڭ ورىنباسارى سىرىم ءناسي.