ءورت ءورشىپ تۇر.
گرەك ەلىندە دە ورمان ءورتى دەس بەرمەي تۇر، دەپ حابارلايدى Almaty-akshamy.kz. «حابار 24» سىلتەمە جاساپ.
ءتىلسىز جاۋدىڭ قارقىن الۋىنا ايماقتاعى اپتاپ ىستىق پەن قاتتى جەل سەبەپ بولىپ وتىر. كەي وڭىرلەردە اۋا تەمپەراتۋراسى 45 گرادۋستان اسادى. كۇن رايىنىڭ قولايسىزدىعىنان 100-دەن استام ءورت وشاعى تىركەلدى.
ماماندار مۇنداي اپاتتىڭ سوڭعى 30 جىلدا بولماعانىن ايتادى. ءقازىر 500 ءورت ءسوندىرۋشى مەن 150 ارنايى كولىك، 18 ۇشاق جالىنمەن ارپالىسىپ جاتىر.
«ورمان ءورتى ءورشىپ تۇرعان وڭىرلەردە اۋا تەمپەراتۋراسى 45 گرادۋستان اسىپ تۇر. اۋانىڭ ىلعالدىلىعى 10%. ءورتتىڭ ۋشىعۋىنا ەڭ قولايلى جاعداي تۋىنداپ تۇر. بوفورت شكالاسى بويىنشا جەلدىڭ كۇشەيۋى 6 بالعا دەيىن جەتەدى. ەلدىڭ ورماندى القاپتارىنا ءقاۋىپ ءتونىپ تۇر»، - دەدى گرەكيا ازاماتتىق قورعانىس ءمينيسترىنىڭ ورىنباسارى نيكوس حاردالياس.