جالىنعا ورانعان قويما قالانىڭ الاتاۋ اۋدانىندا ورنالاسقان.
تۇرار رىسقۇلوۆ داڭعىلى مەن نەميروۆيچ-دانچەنكو كوشەسىنىڭ قيىلىسىنداعى زات ساقتايتىن قويمادان ءورت شىقتى، دەپ حابارلايدى Almaty-akshamy.kz قالالىق تجد-عا سىلتەمە جاساپ.
ءورتتىڭ ۆيدەوسى الەۋمەتتىك جەلىدە تاراعان. الماتىنىڭ ءتجد-نىڭ باسپا ءسوز قىزمەتىنىڭ حابارلاۋىنشا، 4 تامىز كۇنى ساعات 09:39-دا ءورت ءسوندىرۋ توبى الاتاۋ اۋدانىنداعى ءورت تۋرالى حابارعا شاقىرۋ بويىنشا نەميروۆيچ-دانچەنكو 21 مەكەنجايعا بارعان.
«ءورت سوندىرۋشىلەر كەلگەن كەزدە انگار ءتارىزدى قويما جانىپ جاتتى، ءورتتىڭ كورشى قويمالارعا ءوتۋ ءقاۋپى تۋدى. دەرەۋ ءورت وقپاندارى ەنگىزىلدى، گيدرانتتارعا اۆتوسيستەرنالار ورناتىلدى. ءورت ورنىندا شتاب قۇرىلدى، شىعىس جانە وڭتۇستىك جاقتاردان ەكى اسكەري ۋچاسكە جاساقتالدى»، - دەپ مالىمدەدى تجد.