ق ر ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى ءاقمادي سارباسوۆ الماتى قالاسىنا جۇمىس ساپارى اياسىندا كوپىر كونسترۋكسيالارى زاۋىتىنا جانە ءبىرقاتار مەديسينالىق-الەۋمەتتىك ۇيىمدارعا باردى. ەڭبەك ۇجىمدارىمەن جانە ارناۋلى الەۋمەتتىك قىزمەت الۋشىلارمەن وتكىزىلگەن كەزدەسۋلەر بارىسىندا ول ق ر الەۋمەتتىك كودەكسىنىڭ جوباسىندا مەملەكەت باسشىسىنىڭ تاپسىرمالارىن ىسكە اسىرۋ تۋرالى ايتىپ بەردى.
ءاقمادي سارباسوۆ ءوزىنىڭ جۇمىس ساپارىن ق ر ەحاقم ەڭبەك جانە الەۋمەتتىك قورعاۋ كوميتەتى الماتى قالاسىنداعى دەپارتامەنتىنىڭ ۇجىمىمەن كەزدەسۋدەن باستادى، ونىڭ بارىسىندا ول الەۋمەتتىك-ەڭبەك سالاسىندا مەملەكەتتىك قىزمەتتەردى ساپالى كورسەتۋ قاجەتتىلىگىنە باسا نازار اۋداردى.
«الماتى كوپىر كونسترۋكسيالارى زاۋىتى» ج ش س قىزمەتكەرلەرىمەن كەزدەسۋدە ۆيسە-مينيستر قولدانىستاعى ەڭبەك زاڭناماسىنىڭ وزەكتى ماسەلەلەرىن تالقىلادى، سونداي-اق حالىقتى جۇمىسپەن قامتۋ سالاسىنداعى جاڭا ساياسات تۋرالى ايتتى.
«حالىقتى جۇمىسپەن قامتۋدىڭ جاڭا ساياساتى ازاماتتاردىڭ جەكەلەگەن وسال ساناتتارىن جۇمىسپەن قامتۋعا جاردەمدەسۋدەن ەڭبەككە قابىلەتتى ازاماتتاردىڭ بارلىق ساناتتارىن ناتيجەلى جۇمىسپەن قامتۋ ءۇشىن تەڭ باستاپقى جاعدايلار جاساۋعا كوشۋدى كوزدەيدى. ول جۇمىس كۇشىنىڭ كاسىبي داعدىلارىن كۇشەيتۋدى، يكەمدى جۇمىسپەن قامتۋدىڭ بارلىق تۇرلەرىن زاڭنامالىق بەكىتۋ مەن رەتتەۋدى، تەحنولوگيالار مەن ءبىلىم ترانسفەرتى ءۇشىن بىلىكتى كادرلاردى تارتۋدى، ىشكى كوشى – قوندى رەتتەۋدى، جۇمىسپەن قامتۋ ورتالىقتارىن مانساپتىق ورتالىقتارعا اينالدىرۋدى جانە قىزمەتتەردى اۋقىمدى سيفرلاندىرۋدى كوزدەيدى»، – دەپ حابارلادى ءاقمادي سارباسوۆ.
ول سونداي-اق كاسىپورىن مەن قالالىق ەڭبەك ينسپەكسياسى قىزمەتى ءوزارا مەموراندۋمعا قول قويعانىن ايتتى.
«بۇل الماتىداعى ۇلكەن زاۆودتاردىڭ بىرىندە 300-گە جۋىق ءونىم وندىرىلەدى ەكەن. جۇمىس ساپارى بارىسىندا زاۆود قىزمەتكەرلەرىنىڭ ەڭبەك جاعدايىمەن تانىستىق. جۇمىس بەرۋشى مەن قىزمەتكەرلەر اراسىندا قانشالىقتى بايلانىس بارىن كوردىك. ايتىلعان كاسىپورىنمەن قالالىق ەڭبەك ينسپەكسياسى قىزمەتى اراسىندا مەموراندۋمعا قول قويىلدى. كاسىپورىن باسشىلىعى جۇمىسشىلارعا الەۋمەتتىك قولداۋ كورسەتۋگە ۋادە بەردى»، – دەدى ول.
سونداي-اق، ۆيسە-مينيستر الماتى قالاسىنىڭ الەۋمەتتىك قىزمەتتەر ۇيىنە بارىپ، «بەلسەندى ۇزاق ءومىر ءسۇرۋ ورتالىعى» كمم جانە «الاتاۋ» الەۋمەتتىك قىزمەتتەر ورتالىعى» كمم مەديسينالىق-الەۋمەتتىك مەكەمەسىن ارالادى. ساپار بارىسىندا ا.سارباسوۆ الەۋمەتتىك نىسانداردىڭ جۇمىسىن كورىپ، «الاتاۋ الەۋمەتتىك قىزمەتتەر ورتالىعى» بازاسىندا پيلوتتىق جوبا رەتىندە ىسكە اسقان «نەيروچات» جوباسىمەن تانىستى. جوبانىڭ جاڭالىعى – العاش رەت پاسيەنتتەردىڭ بىر-بىرىمەن، مەديسينا قىزمەتكەرلەرىمەن، جاقىن ادامدارىمەن جانە بۇكىل الەممەن جەلىلىك بايلانىسى ءۇشىن مۇمكىندىك جاسالىندى.
«الماتى قالاسىنا جۇمىس ساپارى اياسىندا ءبىرقاتار وبەكتىلەردى ارالادىق. ونىڭ ىشىندە الەۋمەتتىك قىزمەتتەر ورتالىقتارى جانە بەلسەندى ۇزاق ءومىر ءسۇرۋ ورتالىقتارى بار. قولدانىستاعى زاڭناما شەڭبەرىندە قاجەت ادامدارعا ارنايى كومەك كورسەتىلەدى. جالپى ەلىمىزدە 700 مىڭداي مۇمكىندىگى شەكتەۋلى ازاماتىمىز بار. سوندىقتان باستى ماقساتىمىز وسىنداي ورتالىقتاردى مۇمكىندىگى شەكتەۋلى ادامداردىڭ تالاپتارىن ەسكەرە وتىرىپ ءتيىمدى ءارى ىڭعايلى ەتۋ. مۇمكىندىگى شەكتەۋلى ادامدار وزدەرىنە بەلگىلى ءبىر شەكتەۋدىڭ بار ەكەنىن سەزىنبەۋى كەرەك. بۇگىن مۇنداي ورتالىقتاردىڭ قىزمەت كورسەتۋىندە ءبىراز جاڭاشىلدىق بار ەكەنىن بايقادىق»، - دەدى ق ر ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى ءاقمادي سارباسوۆ.
ايتا كەتكەن ءجون، الەۋمەتتىك قىزمەتتەر ۇيىندە الماتىلىقتار «ءبىر تەرەزە» قاعيداتى بويىنشا الەۋمەتتىك قىزمەتتەردىڭ بارلىق سپەكترىن الادى. الەۋمەتتىك قىزمەتتەر ءۇيى – ەلىمىزدەگى بىرەگەي جوبا. ءبىر جەردە بىرنەشە مەملەكەتتىك مەكەمەلەر – جۇمىسپەن قامتۋ باسقارمالارى قىزمەت كورسەتەدى: الەۋمەتتىك باعدارلامالار مەن تۇرعىن ءۇي ساياساتى، حالىقتى جۇمىسپەن قامتۋ ورتالىعى، ءبىرىڭعاي جيناقتاۋشى زەينەتاقى قورى، «وتباسى بانكى»، «ازاماتتارعا ارنالعان ۇكىمەت» مەملەكەتتىك كورپوراسياسى، «Qoldaý» كاسىپكەرلىك ورتالىعى، «اتامەكەن» وكپ جانە الەۋمەتتىك ساقتاندىرۋ قورى. جالپى، مەملەكەتتىك قىزمەتتەردىڭ 776 ءتۇرىن الۋ كوزدەلگەن.
كۇن سايىن الەۋمەتتىك قىزمەتتەر ۇيىنە 500-گە جۋىق ادام بارادى. اعىمداعى جىلى 99 مىڭنان استام قىزمەت كورسەتىلگەن.
ال «الاتاۋ» الەۋمەتتىك قىزمەتتەر ورتالىعى 2022 جىلدىڭ 1 اقپانىندا بۇرىنعى «سامال» پانسيوناتىنىڭ عيماراتىندا اشىلدى. ورتالىق 153 توسەك-ورىنعا ەسەپتەلگەن. ورتالىقتا پسيحونيەۆرولوگيالىق اۋرۋلارى بار 18 جاستان اسقان مۇگەدەكتىگى بار ادامدارعا ارناۋلى الەۋمەتتىك قىزمەتتەر ستاسيونارلىق جاعدايدا كورسەتىلەدى.
