الەۋمەتتىك ماڭىزى بار ونىمدەر قىمباتتاپ جاتىر

وتكەن اپتادا ازىق-تۇلىك تاۋارلارىنىڭ باعاسى 0،3%-عا كوتەرىلگەن.

ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى قازاقستاندا الەۋمەتتىك ماڭىزى بار ازىق-تۇلىك تاۋارلارىنىڭ باعاسى اپتاسىنا جانە ساعاتىنا قانشاعا وسكەنىن مالىمدەدى، دەپ حابارلايدى Almaty-akshamy.kz

وتكەن اپتادا ازىق-تۇلىك تاۋارلارىنىڭ باعاسى 0،3%-عا، جىلدىق ماندە 23،7%-عا قىمباتتاعانى حابارلاندى.

سونداي-اق، الەۋمەتتىك ماڭىزى بار ازىق-تۇلىك تاۋارلارىنىڭ تىزىمىنە 19 اتاۋ ەنگىزىلگەنى ايتىلادى.

قازاقستان رەسپۋبليكاسىنداعى سزپت تىزبەسىندەگى كەيبىر تاۋارلاردىڭ ورتاشا باعاسى (2023 جىلعى 21 اقپانداعى جاعداي بويىنشا):

كۇنباعىس مايى – 903 تەڭگە/ل؛

ماكارون – 309 تەڭگە/كگ؛

كۇرىش – 376 تەڭگە/كگ.

باعالاردىڭ وزگەرۋى تۋرالى اقپاراتتى جيناۋ بارلىق وبلىس ورتالىقتارىندا، رەسپۋبليكالىق ماڭىزى بار قالالاردا جانە استانادا جۇرگىزىلەدى.

ول ءۇشىن، بيۋرودا كورسەتىلگەندەي، ەلدى مەكەننىڭ ءار جەرىندە ورنالاسقان تاۋارلاردىڭ اسسورتيمەنتى كەڭ تۇردەگى ساۋدا وبەكتىلەرى (گيپەرماركەتتەر، سۋپەرماركەتتەر، دۇكەندەر، كوممۋنالدىق بازارلار، الەۋمەتتىك دۇكەندەر جانە پاۆيلوندار) تاڭدالادى.