ناۋرىز ايىندا الەۋمەتتىك ماڭىزى بار ازىق-تۇلىكتىڭ 7 تۇرىنە باعا تومەندەدى، -دەپ حابارلايدى اlmaty-akshamy.kz قازاقپارات-قا سىلتەمە جاساپ.
Ranking.kz پورتالىنىڭ مالىمەتىنشە، ناۋرىزدىڭ سوڭعى اپتاسىندا كارتوپ (07 پايىز)، پياز (0،3)، قىرىققابات (0،1) قاراقۇمىق (1،3)، كۇنباعىس مايى (1،1)، قانت (0،8) جانە قۇس ەتى (0،4) ارزاندادى. ال ءبىرىنشى سۇرىپتى ۇن، ودان دايىندالعان نان، مايلىلىعى 2،5 پايىزدى قۇرايتىن ءسۇت باعاسى وزگەرگەن جوق.
وتكەن جىلدىڭ ناۋرىزىندا جاعداي مۇلدەم باسقاشا بولاتىن. ول كەزدە كارتوپ باعاسى - 2،6، ءسابىز - 3،9، پياز - 12،2، ال قانت 35 پايىزعا قىمباتتاعان بولاتىن. ال بيىل ازىق-تۇلىك باعاسىنىڭ تومەندەۋىنە تۇراقتاندىرۋ قورلارىنداعى ونىمدەردىڭ ساۋداعا شىعارىلۋى سەپتىگىن تيگىزىپ وتىر.
ناتيجەسىندە ناۋرىزدا ايلىق ينفلياسيانىڭ جالپى دەڭگەيى 0،9 پايىزعا تومەندەدى. بۇل 2022 جىلدىڭ اقپانىنا بەرگى تۇتىنۋشىلىق باعا ءوسىمىنىڭ ەڭ تومەنگى ايلىق كورسەتكىشى سانالادى. سوعان وراي جىلدىق ينفلياسيا قارقىنى دا وسى جىلدىڭ ناۋرىزىندا اقپانداعى 21،3 جانە قاڭتارداعى 20،7 پايىزعا قاراعاندا 18،1 پايىزعا دەيىن باياۋلادى.